ថ្មីៗកន្លងទៅនេះ វេបសាយBusiness Insiderរបស់សហរដ្ឋអាមេរិកបានចុះផ្សាយអត្ថបទមួយក្រោមចំណងជើងថា សហរដ្ឋអាមេរិកប្រហែលបានផ្ទុះជំងឺកូវីដ១៩តាំងពីខែធ្នូឆ្នាំ២០១៩ មកម្ល៉េះ តែដោយសារសហរដ្ឋអាមេរិកផ្តោតតែលើប្រទេសចិន បានជាមិនបានអើពើនឹងករណីឆ្លងក្នុងប្រទេសខ្លួន។ អត្ថបទបានបង្ហាញថា កាលដើមដំបូងដែលរដ្ឋាភិបាលសហរដ្ឋអាមេរិកតាមដានពីករណីជំងឺឆ្លងគឺគ្រាន់តែផ្តោតលើប្រទេសចិនប៉ុណ្ណោះ បណ្តាលឱ្យមានកំហុសធ្ងន់ធ្ងរបែបនេះ។
អត្ថបទបានបង្ហាញថា មូលហេតុដែលសហរដ្ឋអាមេរិកបានចំណាយពេលជាយូរទើបរកឃើញអ្នកឆ្លងជំងឺកូវីដ១៩នៅប្រទេសខ្លួន គឺដោយសារកត្តាគន្លឹះមួយចំនួន ពោលគឺ ធ្វេសប្រហែសនូវលទ្ធភាពនៃការនាំចូលវីរុសពីអឺរ៉ុប មានទំនោរក្នុងការទម្លាក់កំហុសនៃការរីករាលដាលជំងឺឆ្លងលើអ្នកដទៃ ការធ្វើតេស្តរកវីរុសនៅដំណាក់កាលដំបូងមានក្របខណ្ឌតូចចង្អៀត ។ អត្ថបទបានគូសបញ្ជាក់ទៀតថា បុគ្គលមួយចំនួនក្នុងជួររដ្ឋាភិបាលសហរដ្ឋក៏បានព្រមានមន្រ្តីផ្នែកសុខាភិបាលសហរដ្ឋអាមេរិកថា ការរីករាលដាលនៃជំងឺកូវីដ១៩មានលទ្ធភាពអាចនឹងកើតឡើង ក៏ប៉ុន្តែអ្នកសម្រេចគោលនយោបាយសំខាន់របស់រដ្ឋាភិបាលសហរដ្ឋអាមេរិកមិនដែលបង្ហាញពីការព្រួយបារម្ភចំពោះរឿងនេះទេ រហូតដល់ខែមីនា ទើបសហរដ្ឋអាមេរិកធ្វើតេស្តរកវីរុសក្នុងទ្រង់ទ្រាយធំ នេះជាការបណ្តែតបណ្តាលឱ្យវីរុសកូវីដ១៩រីករាលដាលដោយស្ងាតៗអស់រយៈពេលជាយូរនៅសហរដ្ឋអាមេរិក៕