ថ្ងៃទី១៤ខែឧសភា ក្រុមការងារយន្តការរួមគ្នាបង្ការនិងគ្រប់គ្រងជំងឺកូវីដ១៩នៃក្រុមប្រឹក្សាកិច្ចការរដ្ឋចិនបានបើកធ្វើសន្និសីទសារព័ត៌មានដោយបានធ្វើបទបង្ហាញអំពីតួនាទីរបស់មន្ទីរពេទ្យបណ្តោះអាសន្នក្នុងដំណើរបង្ការនិងគ្រប់គ្រងជំងឺកូវីដ១៩លើកនេះ។
បន្ទាប់ពីការផ្ទុះរាលដាលនៃជំងឺកូវីដ១៩លើកនេះ ដើម្បីបន្ធូរបន្ថយសភាពតានតឹងដែលកង្វះខាតគ្រែសម្រាប់ជួយសង្រ្គោះអ្នកជំងឺនៃស្ថាប័នសុខាភិបាលក្រុងវូហាន និងគ្រប់គ្រងជំងឺឆ្លងប្រកបដោយប្រសិទ្ធភាព ក្រុងវូហានបានកែច្នៃកីឡដ្ឋាននិងមជ្ឈមណ្ឌលសន្និសីទនិងពិព័រណ៍មួយចំនួនទៅជាមន្ទីរពេទ្យបណ្តោះអាសន្ន។
ថ្លែងក្នុងសន្និសីទសារព័ត៌មាន លោកSongShuliអ្នកនាំពាក្យនិងជាប្រធាននាយកដ្ឋានឃោសនាការនៃគណៈកម្មាធិការជាតិសុខាភិបាលចិនបានលើកឡើងថា ចាប់ពីថ្ងៃទី៥ខែកុម្ភៈដែលមន្ទីរពេទ្យបណ្តោះអាសន្នបានចាប់ផ្តើមទទួលព្យាបាលអ្នកជំងឺរហូតដល់ថ្ងៃទី១០ខែមីនាដែលមន្ទីរពេទ្យបណ្តោះអាសន្នចុងក្រោយបានបិទ មន្ទីរពេទ្យបណ្តោះអាសន្នចំនួន១៦បានទទួលព្យាបាលអ្នកជំងឺសរុបជាង១ម៉ឺន២ពាន់នាក់ដែលបានសម្រេចនូវគោលដៅ”គ្មានអ្នកឆ្លងជំងឺ គ្មានករណីស្លាប់និងគ្មានលាប់ឡើងវិញ” បានក្លាយជាមូលដ្ឋានសំខាន់សម្រាប់ទទួលករណីឆ្លងទាំងមូលឱ្យចូលសម្រាកព្យាបាលក្នុងមន្ទីរពេទ្យ ដូចនេះ មន្ទីរពេទ្យបណ្តោះអាសន្នបានដើរតួនាទីដ៏សំខាន់និងមិនអាចជំនួសបានក្នុងការបង្ការនិងព្យាបាលជំងឺកូវីដ១៩៕