ទាក់ទិននឹងរឿងដែលសមាជិកសភាអាមេរិកមួយចំនួនតូចគិតចង់ច្រានចោលទំនួលខុសត្រូវនៃភាពអសមត្ថភាពក្នុងការប្រយុទ្ធប្រឆាំងនឹងជំងឺកូវីដ១៩ទៅឱ្យប្រទេសចិន លោកZhaoLijianអ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងកាលពីថ្ងៃទី១៣ខែឧសភាថា ទង្វើនេះគ្មានក្រមសីលធម៌បំផុត ក្នុងពេលជាមួយគ្នានេះ លោកក៏បានដាស់តឿនភាគីអាមេរិកកុំលង់ខ្លួនក្នុងល្បែងនយោបាយខ្លាំងពេក ។
អនុលោមតាមសេចក្តីព្រាងច្បាប់ដែលសមាជិកសភាបក្សសាធារណរដ្ឋអាមេរិកបានលើកឡើងនាពេលមុននេះ ប្រសិនបើប្រទេសចិនមិនធ្វើការបកស្រាយគ្រប់ជ្រុងជ្រោយអំពីករណីឆ្លងជំងឺកូវីដ១៩ ព្រមទាំងបិទwet marketទាំងអស់ នោះ សេចក្តីព្រាងច្បាប់នេះនឹងផ្តល់សិទ្ធិអំណាចដល់រដ្ឋាភិបាលអាមេរិកក្នុងការដាក់ទណ្ឌកម្មទៅលើប្រទេសចិន។
ទាក់ទិននឹងរឿងនេះ លោកZhaoLijianបានថ្លែងថា ចាប់ពីជំងឺកូវីដ១៩បានផ្ទុះឡើងមក ប្រទេសចិនបានប្រកាន់អាកប្បកិរិយាបើកចំហ មានតម្លាភាពនិងទទួលខុសត្រូវជាប់រហូត បានរក្សាការប្រាស្រ័យទាក់ទងនិងកិច្ចសហប្រតិបត្តិការយ៉ាងជិតស្និទ្ធជាមួយអង្គការសុខភាពពិភពលោក ក៏ដូចជាគាំទ្រអង្គការសុខភាពពិភពលោកក្នុងការធ្វើកិច្ចសហប្រតិបត្តិការប្រយុទ្ធប្រឆាំងនឹងជំងឺឆ្លងនៅទូទាំងពិភពលោកតាមការអនុវត្តជាក់ស្តែងផងដែរ។
លោកបានចង្អុលបង្ហាញថា ប្រទេសចិនបានតាក់តែងច្បាប់ដើម្បីហាមឃាត់ទាំងស្រុងនូវការបរបាញ់ ការលក់ដូរ ការដឹកជញ្ជូននិងការបរិភោគសត្វព្រៃដោយខុសច្បាប់ ប្រទេសចិនគ្មានអ្វីដែលហៅថាwet marketនោះទេ៕
