ដើម្បីបង្ការកុំឱ្យជំងឺកូវីដ១៩ផ្ទុះរាលដាលឡើងវិញបន្ទាប់ពីការដកបម្រាមបិទប្រទេសនាថ្ងៃទី១១ខែឧសភា រដ្ឋាភិបាលបារាំងធ្លាប់សន្យាថា នឹងបង្កើនការធ្វើតេស្តរកវីរុសកូវីដ១៩ទៅដល់៧សែនលើកក្នុងមួយសប្តាហ៍ ។ ស្ថានីយទូរទស្សន៍ព័ត៌មានFranceinfoបានផ្សាយដំណឹងកាលពីថ្ងៃទី១២ខែឧសភាតាមម៉ោងក្នុងតំបន់ថា ដំណោះស្រាយបែបប្រព័ន្ធស្វ័យប្រវត្តិកម្មរបស់ប្រទេសចិននឹងជួយបារាំងសម្រេចគោលដៅមួយនេះ។
តាមការផ្សាយដំណឹងបានឱ្យដឹងថា រដ្ឋាភិបាលបារាំងបានបញ្ជាទិញម៉ាស៊ីនប្រព័ន្ធស្វ័យប្រវត្តិកម្មចម្លងសំណាកជាង២០គ្រឿងពីសហគ្រាសចិន ក្នុងនោះមាន២គ្រឿងបានចាប់ផ្តើមដាក់ឱ្យប្រើប្រាស់នៅមន្ទីរពេទ្យមួយនៃខណ្ឌទី១៤ក្រុងប៉ារីសរួចហើយ ។
ការផ្សាយដំណឹងបានដកស្រង់ពាក្យសម្តីរបស់មន្រ្តីទទួលខុសត្រូវនៃស្ថាប័នសុខាភិបាលនៃតំបន់ប៉ារីសថា បន្ទាប់ពីដកបម្រាមបិទប្រទេស បារាំងចាំបាច់ត្រូវធ្វើតេស្តរកវីរុសដោយទ្រង់ទ្រាយធំ ដំណោះស្រាយដែលបានពីប្រទេសចិននេះនឹងផ្តល់ការគាំទ្រក្នុងការសម្រាំងរកករណីជំងឺកូវីដ១៩និងអ្នកប៉ះពាល់ជិតស្និទ្ធ ៕
