ថ្ងៃទី១១ខែឧសភា តាមម៉ោងក្នុងតំបន់ អង្គការសុខភាពពិភពលោកបានបើកសន្និសីទសារព័ត៌មានជាប្រចាំអំពីជំងឺកូវីដ១៩នៅក្រុងហ្សឺណែវ។ ថ្លែងក្នុងសន្និសីទ លោក Tedrosអគ្គនាយកអង្គការសុខភាពពិភពលោកបានលើកឡើងថា ក្នុងឱកាសទិវាគិលានុបដ្ឋាកជិតចូលមកដល់ សូមជូនពរគិលានុបដ្ឋាកទាំងអស់សប្បាយរីករាយក្នុងថ្ងៃបុណ្យ ព្រមទាំងសូមសម្តែងគារវកិច្ចចំពោះគិលានុបដ្ឋាក ឆ្មបនិងបុគ្គលិកបំពេញការងារខាងសុខាភិបាលទាំងអស់។ ក្នុងអំឡុងពេលកើតមានជំងឺកូវីដ១៩ គិលានុបដ្ឋាកទាំងឡាយបានជួយសង្រ្គោះអ្នកដទៃដោយប្រថុយនឹងគ្រោះថ្នាក់ខាងអាយុជីវិត។ ក្នុងអំឡុងពេលកើតមានជំងឺSARS គិលានុបដ្ឋាកក៏ជាស្ពានតភ្ជាប់រវាងប្រព័ន្ធសុខាភិបាលនិងសហគមន៍ផងដែរ។
លោក Tedrosបានថ្លែងទៀតថា ឆ្នាំ២០២០ជាឆ្នាំគិលានុបដ្ឋាកនិងឆ្មបអន្តរជាតិ តាមផែនការពីមុន អង្គការសុខភាពពិភពលោកនឹងរៀបចំសកម្មភាពអបអរសាទរតាមរបៀបយ៉ាងឱឡារិក។ប៉ុន្តែ ដោយមកពីការផ្ទុះជំងឺកូវីដ១៩ បានជាមានតែធ្វើតាមon line។អង្គការសុខភាពពិភពលោកនិងស្ថាប័នផ្សេងទៀតបានឈានដល់គំនិតឯកភាពរួម ដោយពន្យារឆ្នាំគិលានុបដ្ឋាកនិងឆ្មបអន្តរជាតិទៅប្រារព្ធធ្វើនៅឆ្នាំ២០២១ ក្រៅពីនេះ ក៏បានសម្រេចថា នឹងកំណត់យកពេល១០ឆ្នាំបន្ទាប់ពីឆ្នាំ២០២០ជារយៈពេល១០ឆ្នាំនៃគិលានុបដ្ឋាកនិងឆ្មបអន្តរជាតិ៕