ថ្ងៃទី១១ខែឧសភា លោកចាវលីជាន អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា ពាក្យសម្តីខុសពាក់ព័ន្ធនឹងចិនតៃវ៉ាន់របស់នូវែលហ្សេឡង់បានល្មើសយ៉ាងធ្ងន់ធ្ងរនឹងគោលការណ៍ប្រទេសចិនតែមួយ ប្រទេសចិនសម្តែងការមិនពេញយ៉ាងខ្លាំងនិងការប្រឆាំងយ៉ាងដាច់ខាត ដោយបានលើកឡើងនូវការតវ៉ាយ៉ាងម៉ឺងម៉ាត់ចំពោះហូវែលហ្សេឡង់។
តាមការផ្សាយដំណឹងឱ្យដឹងថា នាពេលកន្លងទៅថ្មីៗនេះ លោក Winston Peters ឧបនាយករដ្ឋមន្រ្តីនិងជារដ្ឋមន្រ្តីការបរទេសនូវែលហ្សេឡង់បានអះអាងថា នូវែលហ្សេឡង់គាំទ្រចិនតៃវ៉ាន់ឱ្យវិលត្រឡប់ទៅមហាសន្និបាតអង្គការសុខភាពពិភពលោកក្នុងនាមជាប្រទេសអ្នកសង្កេតការណ៍។ លោក Winston Peters បានអះអាងទៀតថា ថ្នាក់ដឹកនាំកំពូលចិនធ្លាប់ធានាចំពោះលោកថា សេចក្តីសម្រេចចិត្តរបស់នូវែលហ្សេឡង់នឹងមិនត្រូវបានរារាំងឡើយ។ ទាក់ទិននឹងរឿងនេះ លោកចាវលីជានបានគូសបញ្ជាក់ថា បញ្ហាស្តីពីចិនតៃវ៉ាន់ចូលរួមសកម្មភាពនៃអង្គការសុខភាពពិភពលោក គោលជំហររបស់ចិនគឺច្បាស់លាស់និងមិនដែលកែប្រែទេ ពោលគឺត្រូវគោរពតាមគោលការណ៍ប្រទេសចិនតែមួយ។ ក្នុងខណៈពេលនេះ អាជ្ញាធរតៃវ៉ាន់ឃោសនាបំប៉ោងនូវការ”ចូលរួមសកម្មភាពនៃអង្គការសុខភាពពិភពលោក”និង”វិលត្រឡប់ទៅអង្គការសុខភាពពិភពលោក” គោលបំណងពិតប្រាកដគឺប៉ុនប៉ងស្វែងរកឯករាជ្យក្រោមលេសជំងឺឆ្លង ដែលជាការលេងល្បែងនយោបាយ៕
