ថ្ងៃទី១០ខែឧសភា កាសែតញូវយ៉កថែមអាមេរិកបានចុះផ្សាយដំណឹងថា ទីភ្នាក់ងារFBIនិងក្រសួងសន្តិសុខជាតិអាមេរិកកំពុងត្រៀមចេញសេចក្តីព្រមានជាសាធារណៈមួយដែលថា” ពួកHackerចិនប៉ុនប៉ងលួចយកលទ្ធផលស្រាវជ្រាវខាងការស្រាវជ្រាវនិងផលិតវ៉ាក់សាំងកូវីដ១៩និងវិធីព្យាបាលជំងឺកូវីដ១៩របស់អាមេរិក”។
ការចោទប្រកាន់ប្រទេសចិនអំពីបញ្ហាស្រាវជ្រាវនិងផលិតវ៉ាក់សាំង គឺជាឧបាយកលថ្មីបំផុតរបស់អាមេរិកក្នុងសកម្មភាពមួយចំនួនដែលលាបពណ៌ទៅលើប្រទេសចិននាពេលកន្លងទៅថ្មីៗនេះដែលមិនត្រឹមតែបានលាតត្រដាងនូវភាពអាត្មានិយមនិងគ្មានគុណធម៌របស់ពួកគេដែលគិតតែពីរឿងព្រួយបារម្ភថាប្រទេសចិនឈានមុខអាមេរិកលើការស្រាវជ្រាវនិងផលិតវ៉ាក់សាំង ក្នុងគោលបំណងឱ្យអាមេរិកត្រួតត្រាលើសិទ្ធិម្ចាស់ការក្នុងការស្រាវជ្រាវនិងផលិតវ៉ាក់សាំងប៉ុណ្ណោះទេ ថែមទាំងក៏បានបង្ហាញឱ្យឃើញថា ការវាយប្រហារចំពោះប្រទេសចិនពីសំណាក់អ្នកនយោបាយអាមេរិកទាំងនេះគឺដល់កម្រិតគួរឱ្យអ្នកផងភ្ញាក់ផ្អើល។
ចាប់ពីបានផ្ទុះរាលដាលជំងឺឆ្លងមក តើរដ្ឋាភិបាលអាមេរិកបានធ្វើអ្វីខ្លះខាងវិស័យស្រាវជ្រាវនិងផលិតវ៉ាក់សាំង? នៅខែមីនាឆ្នាំ២០២០ រដ្ឋាភិបាលអាមេរិកត្រូវប្រព័ន្ធសារព័ត៌មានទម្លាយថាប៉ុនប៉ងទិញបច្ចេកទេសស្រាវជ្រាវនិងផលិតវ៉ាក់សាំងរបស់ក្រុមហ៊ុនបច្ចេកវិទ្យាជីវសាស្រ្តអាល្លឺម៉ង់មួយសម្រាប់ទុកឱ្យអាមេរិកប្រើប្រាស់ដោយខ្លួនឯង ។