នាពេលថ្មីៗកន្លងទៅនេះ លោក Matthew Pottinger ឧបការីរងទទួលបន្ទុកកិច្ចការសន្តិសុខរបស់ប្រធានាធិបតីអាមេរិកដែលអួតអាងថាខ្លួនយល់ច្បាស់ពីប្រទេសចិន បានថ្លែងសុន្ទរកថាដោយភាសាចិនក្នុងមជ្ឈមណ្ឌលMiller នៃសកលវិទ្យាល័យVirginia ដោយបាននិយាយមួលបង្កាច់ថា “ស្មារតី៤ឧសភា” របស់ចិនគឺជា “ប្រជាសាមញ្ញនិយម”ដែលប្រឆាំងនឹងអំណាចរដ្ឋបាល ព្រមទាំងបាននិយាយបំផ្លើសពីរឿងនេះ ក្នុងន័យវាយប្រហារផ្លូវអភិវឌ្ឍន៍របស់ប្រទេសចិនទៀតផង ។
ពេលរំលឹកពីអាជីពជាអ្នកនយោបាយរបស់លោក Matthew Pottinger អាចឃើញយ៉ាងច្បាស់ថា គំនិតរបស់លោកមានភាពលំអៀងខាងទស្សនៈមនោគមវិជ្ជានិងគំនិតសង្រ្គាមត្រជាក់ លោកបានចូលរួមព្រឹតិ្តការណ៍ជម្លោះរវាងចិននិងអាមេរិកមួយចំនួន ។ តាំងពីករណីជំងឺកូវីដ១៩បានផ្ទុះឡើងមក ចាប់ពីការហៅឈ្មោះវីរុសកូវីដ១៩ថាជាវីរុសចិន រហូតដល់ជំរុញឱ្យអាមេរិកផ្អាកផ្តល់ថវិកាដល់អង្គការសុខភាពពិភពលោក សុទ្ធតែមានវត្តមានរបស់លោកMatthew Pottinger ផងដែរ ។ កាលពីខែមីនា ឆ្នាំនេះ លោកMatthew Pottinger បានខំប្រឹងប្រែងកាត់បន្ថយចំនួនបុគ្គលិកនៃអង្គភាពប្រព័ន្ធសារព័ត៌មានចិនប្រចាំនៅអាមេរិក បានបង្កើតជាឧបសគ្គយ៉ាងធំក្នុងការផ្លាស់ប្តូរវប្បធម៌មនុស្សជាតិរវាងប្រទេសទាំងពីរ ។ ប៉ុន្តែពេលថ្លែងសុន្ទរកថាលើកនេះ លោកបែរជារិះគន់ប្រទេសចិនថា បាន “បណ្តេញ”អ្នកសារព័ត៌មានបរទេសចេញពីដែនចិនទៅវិញ នេះជាទង្វើចោរស្រែកចាប់ចោរសុទ្ធសាធ ៕