រសៀលថ្ងៃទី ១០ ខែឧសភា យន្តហោះដឹកទំនិញមួយគ្រឿងបានហោះចេញពីព្រលានយន្តហោះអន្តរជាតិTianhe ក្រុងវូហាន ខេត្តហ៊ូប៉ី ដែលជាសញ្ញាបង្ហាញថា ជើងយន្តហោះដឹកទំនិញអន្តរជាតិតាមពេលកំណត់ដែលហោះហើរពីក្រុងវូហានប្រទេសចិនទៅដល់ក្រុងOsakaប្រទេសជប៉ុនបានសម្រេចការហោះហើរដោយជោគជ័យជាលើកដំបូង ហើយក៏បានបង្ហាញដែរថា ជើងយន្តហោះខ្សែទីមួយដឹកទំនិញអន្តរជាតិតាមការកំណត់របស់ខេត្តហ៊ូប៉ីបានដាក់ឱ្យប្រើប្រាស់ជាផ្លូវការក្រោយពីការផ្ទុះជំងឺCOVID-19កន្លងមក ។
ចាប់ពីថ្ងៃទី ១០ ខែឧសភាតទៅ រាល់ថ្ងៃនឹងមានជើងយន្តហោះម្តងដែលហោះហើរទៅកាន់ក្រុង Osakaប្រទេសជប៉ុន ដើម្បីដឹកជញ្ជូនសម្ភារៈសម្រាប់ប្រយុទ្ធប្រឆាំងនឹងជំងឺឆ្លងទៅជប៉ុន ព្រមនិងដឹកទំនិញមួយចំនួនរបស់ជប៉ុនមកក្រុងវូហានវិញ ។ ការដាក់ឱ្យប្រើប្រាស់នូវជើងយន្តហោះតាមពេលកំណត់អាចកាត់បន្ថយដើមទុនដឹកទំនិញរបស់សហគ្រាសពាក់ព័ន្ធបានប្រហែល ២០% ។
សូមបញ្ជាក់ថា គិតរហូតមកទល់បច្ចុប្បន្ន ជើងយន្តហោះដឹកទំនិញអន្តរជាតិដែលហោះហើរពីក្រុងវូហានដល់ក្រុង Los Angeles , Melbourne ,ប៉ារីស និងFrankfurt ត្រូវបានដាក់ឱ្យប្រើប្រាស់ជាបន្តបន្ទាប់ ៕
