ទិន្នន័យស្ថិតិដែលស្ថាប័នការពារកិច្ចការស៊ីវិលនៃប្រទេសអ៊ីតាលីបានប្រកាសនៅថ្ងៃទី ១០ ខែឧសភាបានបង្ហាញឱ្យដឹងថា នៅថ្ងៃដដែល នៅប្រទេសអ៊ីតាលី មានករណីឆ្លងថ្មីនៃជំងឺកូវីដ១៩ចំនួន៨០២នាក់ ករណីឆ្លងសរុប ២១៩០៧០នាក់ ករណីស្លាប់ថ្មី ១៦៥នាក់ សរុប៣០៥៦០នាក់ ។ ករណីឆ្លងថ្មីនិងករណីស្លាប់ប្រចាំថ្ងៃ បានធ្លាក់ចុះដល់តួលេខទាបបំផុតក្នុងរយៈពេលពីរខែកន្លងទៅនេះ ។
ថ្ងៃទី ១០ ខែឧសភា ពេលផ្តល់បទសម្ភាសន៍ជាមួយប្រព័ន្ធសារព័ត៌មានអ៊ីតាលី លោក Conte នាយករដ្ឋមន្ត្រីអ៊ីតាលីបានថ្លែងថា នៅរដូវក្តៅឆ្នាំនេះ ប្រជាជនអ៊ីតាលីប្រហែលអាចទៅលេងកំសាន្តនៅតាមមាត់សមុទ្រឬឡើងភ្នំ ប៉ុន្តែត្រូវគោរពតាមការកំណត់ពាក់ព័ន្ធដូចជាការរក្សាគម្លាតក្នុងទំនាក់ទំនងសង្គមជាដើម ។ ចំណែកពេលវេលាដកបម្រាមជំហានក្រោយ នឹងធ្វើតាមសំណើរបស់អ្នកជំនាញវេជ្ជសាស្ត្រនិងទិន្នន័យពាក់ព័ន្ធនឹងករណីជំងឺឆ្លងនាប៉ុន្មានសបា្តហ៍ខាងមុខនេះ ៕
