ថ្ងៃទី ៩ ខែឧសភា តាមម៉ោងក្នុងតំបន់ ពេលថ្លែងក្នុងសនិ្នសីទសារព័ត៌មានមួយលើក អភិបាលនៃតំបន់Venetoប្រទេសអ៊ីតាលីបានថ្លែងថា កម្លាំងរីករាលដាលរបស់វីរុសបាននិងកំពុងកាត់បន្ថយ ដូច្នេះវីរុសគឺបង្កើតឡើងដោយមនុស្សឬ ។ ព្រោះថាបើវីរុសកើតចេញពីធម្មជាតិ កម្លាំងរីករាលដាលមិនអាចត្រូវបន្សោយយ៉ាងឆាប់រហ័សដូច្នេះទេ ។ លោកក៏បានថ្លែងទៀតថា លោកបានចាប់អារម្មណ៍ថា បច្ចុប្បន្ន ភាពឆម្លងរបស់វីរុសក៏កាន់តែទន់ខ្សោយផងដែរ ។
ទាក់ទិននឹងរឿងនេះ ពេលផ្តល់បទសម្ភាសន៍ជាមួយប្រព័ន្ធសារព័ត៌មាននៃប្រទេសអ៊ីតាលី អ្នកទទួលខុសត្រូវនៃបន្ទប់ពិសោធន៍មីក្រូជីវសាស្ត្ររបស់មន្ទីរសិក្សាស្រាវជ្រាវជំងឺឆ្លងនៃប្រទេសអ៊ីតាលីបានថ្លែងថា វីរុសចុះទន់ខ្សោយមិនមែនជាស្តង់ដាដែលអាចសន្និដ្ឋានថា វីរុសបានបង្កើតឡើងដោយមនុស្សឬអត់នោះទេ ។ បច្ចុប្បន្ន គ្មានអ្នកណាបានរកឃើញភស្តុតាងដែលអាចបញ្ជាក់ថា វីរុសកើតចេញពីបន្ទប់ពិសោធន៍នោះទេ ។ អ្នកទទួលខុសត្រូវរូបនេះសង្កេតឃើញថា ករណីឆ្លងត្រូវបានបន្សោយគឺដោយសារវិធានការបង្ការនិងគ្រប់គ្រងបានរំលេចនូវប្រសិទ្ធភាព ៕
