ក្រោមបរិបទដែលជំងឺកូវីដ១៩បាននិងកំពុងរាតត្បាតនៅទូទាំងពិភពលោក ប្រទេសចិននិងកូរ៉េខាងត្បូងបានចាប់ផ្តើមយន្តការច្រកចូលដែនរហ័សមុនគេបង្អស់នៅទូទាំងពិភពលោកក្រោមក្របខ័ណ្ឌនៃយន្តការសហប្រតិបត្តិការបង្ការនិងគ្រប់គ្រងជំងឺឆ្លង ដើម្បីផ្តល់ភាពងាយស្រួលដល់ពាណិជ្ជករដែលមានតម្រូវការបន្ទាន់ក្នុងវិស័យធុរកិច្ច ចរាចរណ៍ទំនិញ ផលិតកម្មនិងសេវាកម្មខាងបច្ចេកទេសជាដើមក្នុងការចូលដែននៃប្រទេសទាំងពីរ។ នាថ្ងៃទី១០ខែឧសភា បុគ្គលិកការងារជាង២០០នាក់នៃក្រុមហ៊ុនអេឡិចត្រូនិក samsungកូរ៉េខាងត្បូងបានធ្វើដំណើរទៅកាន់ប្រទេសចិនតាមយន្តហោះពិសេស ដែលបានក្លាយទៅជាបុគ្គលិកសហគ្រាសកូរ៉េខាងត្បូងដំបូងបង្អស់ដែលបានធ្វើដំណើរតាមច្រកចូលដែនរហ័សនេះ។
លោក Lee Seong-Ho មន្ត្រីសម្របសម្រួលផ្នែកការទូតនិងសេដ្ឋកិច្ចនៃក្រសួងការបរទេសកូរ៉េខាងត្បូងបានថ្លែងថា កូរ៉េខាងត្បូងនិងចិនកំពុងស្ថិតក្នុងខណៈពេលសំខាន់នៃការរៀបចំសេដ្ឋកិច្ចឡើងវិញ ការបើកច្រកចូលដែនរហ័សរវាងប្រទេសទាំងពីរគឺជាដំណឹងល្អសម្រាប់ពិភពលោក៕
