ថ្ងៃទី១០ខែឧសភា តាមម៉ោងក្នុងតំបន់ លោកខាមេនីមគ្គុទ្ទេសក៍កំពូលអ៊ីរ៉ង់បានអញ្ជើញចូលរួមកិច្ចប្រជុំនៃបញ្ជាការដ្ឋានជាតិបង្ការនិងគ្រប់គ្រងជំងឺកូវីដ១៩អ៊ីរ៉ង់តាមប្រព័ន្ធវីដេអូ ។ ថ្លែងក្នុងកិច្ចប្រជុំ លោកបានលើកឡើងថា បស្ចិមប្រទេសបានបរាជ័យក្នុងការប្រយុទ្ធជំងឺកូវីដ១៩ជាសកលលើកនេះ ការផ្ទុះរាលដាលនៃជំងឺកូវីដ១៩នៅអាមេរិកនិងទ្វីបអឺរ៉ុបយឺតជាងប្រទេសដទៃទៀតយ៉ាងហោចណាស់មួយខែ ដូចនេះ ពួកគេមានពេលវេលាគ្រប់គ្រាន់សម្រាប់ត្រៀមលក្ខណៈបង្ការឱ្យបានល្អ ប៉ុន្តែ ពួកគេមិនបានធ្វើដូច្នេះនោះទេ។ ការលំបាកគ្រប់បែបយ៉ាង ដូចជាអ្នកឆ្លងជំងឺនិងអ្នកស្លាប់ដោយសារជំងឺឆ្លងមានចំនួនយ៉ាងច្រើននិងការបាត់ការងារជាដើមបានបញ្ជាក់ពីភាពអសមត្ថភាពក្នុងការប្រយុទ្ធប្រឆាំងនឹងជំងឺឆ្លងរបស់បស្ចិមប្រទេសដែលគួរត្រូវចាប់អារម្មណ៍និងស៊ើបអង្កេត ។
ជាងនេះទៅទៀត លោកខាមេនីក៏បានរិះគន់ចំពោះទស្សនៈតម្លៃនិងទស្សនៈគុណធម៌របស់បស្ចិមប្រទេសដោយបានសម្គាល់ថា ទស្សនៈតម្លៃដែលចាត់ទុកសម្ភារៈនិងលុយកាក់ជាស្នូលធ្វើឱ្យពួកគេធ្វេសប្រហែសនឹងក្រុមមនុស្សងាយរងគ្រោះដូចជាមនុស្សចាស់ អ្នកជំងឺនិងអ្នកក្រីក្រជាដើម ប្រការនេះគឺជាមូលហេតុមួយដែលទទួលបរាជ័យក្នុងការប្រយុទ្ធប្រឆាំងនឹងជំងឺឆ្លង ៕