លោក Andrew Cuomo អភិបាលរដ្ឋញូវយ៉កបានថ្លែងនៅក្នុងសន្និសីទសារព័ត៌មានមួយកាលពីថៃ្ងទី ៩ ខែឧសភា តាមម៉ោងនៅក្នុងតំបន់ ថា កុមារ ៣ នាក់បានស្លាប់ដោយសារជំងឺមួយដែលមិនស្គាល់រោគសញ្ញាបានទាក់ទិននឹងវីរុសកូវីដ ១៩ ។ក្នុងនោះ កុមារម្នាក់នៅទីក្រុងញូវយ៉កទើបតែមានអាយុ ៥ ឆ្នាំប៉ុណ្ណោះ ហើយបានស្លាប់កាលពីថ្ងៃទី ៨ ខែឧសភា។
គិតរហូតដល់ថៃ្ងទី ៩ ខែឧសភា តាមម៉ោងនៅក្នុងតំបន់ យ៉ាងហោចណាស់មានកុមារ ៧៣ នាក់នៅរដ្ឋញូវយ៉កបានឆ្លងជំងឺនេះ។លោក Andrew Cuomo បានលើកឡើងថា កុមារភាគច្រើនមិនបានបង្ហាញនូវរោគសញ្ញាធម្មតានៃជំងឺកូវីដ ១៩ នោះទេ ប៉ុន្តែការធ្វើតេស្តរកវីរុសនិងអង្គបដិប្រាណនៃកូវីដ ១៩ ដែលជាលទ្ធផលមានវិជ្ជមាន។
រដ្ឋញូវយ៉កនឹងរួមសហការជាមួយមជ្ឈមណ្ឌលសិក្សាស្រាវជ្រាវក្រុមហ្សែនញូវយ៉កនិងសាកលវិទ្យាល័យ Rockefeller ដើម្បីកំណត់មូលហេតុនៃជំងឺឆ្លង៕