សូមគោរពឯកឧត្តមប្រធានាធិបតីអាមេរិក៖
ជំរាបសួ! ខ្ញុំជាគិលានុបដ្ឋាយិកាផ្នែកផ្លូវដង្ហើមម្នាក់ដែលបានវិលត្រឡប់ពីការជួយសង្គ្រោះអ្នកជម្ងឺនៅក្រុងអ៊ូហានវិញ ។ ខ្ញុំនៅតែចងចាំបរិបទដែលបុគ្គលិកពេទ្យជួយខេត្តហ៊ូប៉ីចំនួន ៤២០០០ នាក់និងសហការីនៅនឹងតំបន់នោះសហការគ្នាជួយសង្គ្រោះជីវិតទាំងយប់ទាំងថ្ងៃ ។ ខ្ញុំចង់សរសេរសំបុត្រមួយជូនឯកឧត្តម រៀបរាប់ពីរឿងរ៉ាវក្រុងអ៊ូហាន ។
ពេលចេញដំណើរទៅកាន់ក្រុងអ៊ូហានគឺជាយប់ថ្ងៃដាច់ឆ្នាំចិន ជាថ្ងៃមួយដែលសំខាន់បំផុតសម្រាប់ក្រុមគ្រួសារជួបជុំគ្នានៅប្រទេសចិន ។ ប៉ុន្តែខ្ញុំជាបុគ្គលិកពេទ្យ ការជួយសង្គ្រោះអាយុជីវិតជាភារកិច្ចនិងពាក្យសន្យារបស់យើង ។ ខ្ញុំនិងបុគ្គលិកពេទ្យចំនួន ៤២០០០ នាក់បានលាចាកពីក្រុមគ្រួសារដោយមិនរារែ ធ្វើដំណើរទៅក្រុងអ៊ូហានពីគ្រប់ទិសទី ចាប់ផ្តើមការប្រយុទ្ធដែលដណ្តើមជីវិតពីដៃព្រះស្លាប់ ។
ការរីករាកដាលនៃជំងឺកូវីដ១៩មានភាពធ្ងន់ធ្ងរ ។ ដំបូងឡើយ សម្ភារៈវេជ្ជសាស្ត្ររបស់យើងខ្វះខាតយ៉ាងខ្លាំង ដើម្បីសន្សំសំចៃ យើងមិនដាច់ចិត្តដោះសំលៀកបំពាក់ការពារទេសូម្បីតែបែកញើសជោរនិងវិលមុខ ។ ដូច្នេះ ពេលឃើញគ្រូពេទ្យអាមេរិកខ្លះមានតែយកថង់ផ្លាស្ទិកធ្វើជាសំលៀកបំពាក់ការពារ ខ្ញុំយល់អារម្មណ៍របស់ពួកគេ ។ ពេលឃើញញាតិសន្តានរបស់បុគ្គលិកពេទ្យអាមេរិកដែលបានបាត់អ្នកគ្រួសារបានកាន់រូបថតយំមិនឈប់ ខ្ញុំក៏ឈឺចិត្តខ្លាំងដែរ ។
ពេលវេលាដ៏លំបាកបំផុតបានកន្លងផុតទៅហើយ ។ រឿងដែលគួរឱ្យសប្បាយរីករាយបំផុតគឺអ្នកជម្ងឺកាន់តែច្រើនឡើងៗជាសះស្បើយចេញពីមន្ទីរពេទ្យ ជាពិសេសគឺអ្នកជម្ងឺចាស់ៗដែលមានសក់ស្កូវ ។ យើងបានព្យាបាលឱ្យជាសះស្បើយនូវអ្នកជម្ងឺអាយុលើស ៨០ ឆ្នាំចំនួនជាង ៣៦០០ នាក់ ។ ខ្ញុំពិតជាសប្បាយចិត្តនិងមានមោទនភាពក្រៃលែង ដោយសារអ្នកចាស់ៗទាំងនេះធ្លាប់ខិតខំតស៊ូដើម្បីជីវភាពរស់នៅថ្ងៃនេះរបស់យើង ឯយើងអាចមានឱកាសខិតខំពេញទំហឹងដើម្បីសង្គ្រោះជីវិតពួកគាត់ ។
នៅក្រុងអ៊ូហាន ពីអ្នកចាស់អាយុ ១០៨ ឆ្នាំ ដល់ទារកដែលទើបសម្រាលតែ ៣០ ម៉ោង យើងសុទ្ធតែខិតខំជួយសង្គ្រោះដោយអស់សមត្ថភាព ។ ការជួយសង្គ្រោះគឺជាភារកិច្ចរបស់យើង យើងចាត់ទុកជីវិតជាចម្បង!
ឯកឧត្តមប្រធានាធិបតី នេះគឺជារឿងរ៉ាវដែលកើតឡើងនៅក្រុងអ៊ូហាន ។
ខ្ញុំដឹងថា ពេលនេះ មានប្រជាជនអាមេរិកជាច្រើនកំពុងរងទុក្ខវេទនាពីវីរុស បុគ្គលិកពេទ្យអាមេរិកជាច្រើនកំពុងខិតខំតស៊ូនៅជួរមុខជួយសង្គ្រោះ ហើយនៅមានមនុស្សជាច្រើនកំពុងយកចិត្តទាក់ដាក់និងថែទាំស្រឡាញ់អ្នកដទែតាមរូបភាពផ្សេងៗ ។ ខ្ញុំសូមថ្លែងគារវកិច្ចចំពោះពួកគេ ហើយជូនពរប្រជាជនអាមេរិកដោយស្មោះត្រង់ ។
ពីគិលានុបដ្ឋាយិកាដែលធ្លាប់ជួយក្រុងអ៊ូហានម្នាក់
ថ្ងៃទី៤ ខែឧសភាឆ្នាំ២០២០
