ការរីករាលដាលនៃជម្ងឺកូវីដ១៩នៅសហរដ្ឋអាមេរិកមានសភាពធ្ងន់ធ្ងរដដែល ករណីឆ្លងថ្មីជារៀងរាល់ថ្ងៃលើសពី ២ ម៉ឺននាក់ ធ្វើឱ្យអ្នកផងទាំងឡាយព្រួយបារម្ភយ៉ាងខ្លាំង ។ អ្នកនយោបាយក្រុងវ៉ាស៊ីនតោនមិនអាចច្រានចោលទំនួលខុសត្រូវចំពោះលទ្ធផលនេះទេ ។ ប៉ុន្តែពួកគេបានប្រឌិតពាក្យកុហកនិងច្រានចោលទំនួលខុសត្រូវជានិច្ចក្នុងគោលបំណងនយោបាយ បានបំផ្លាញយ៉ាងធ្ងន់ធ្ងរដល់មុខមាត់របស់សហរដ្ឋអាមេរិក ។
ក្នុងនោះ ពាក្យដែលថា វីរុសកើតចេញពីបន្ទប់ពិសោធន៍ក្រុងវូហាននិងការចង់ផ្តាច់ទំនាក់ទំនងជាមួយប្រទេសចិន បានល្មើសនឹងក្រឹត្យក្រមវិទ្យាសាស្ត្រផង និងមិនគោរពតាមក្រឹត្យក្រមសេដ្ឋកិច្ចផង ទីបំផុតនឹងធ្វើឱ្យប៉ះពាល់អាយុជីវិតរបស់ប្រជាជនអាមេរិក និងបំផ្លាញការអភិវឌ្ឍសេដ្ឋកិច្ចនៃអាមេរិក ។
យើងមើលពីបញ្ហាប្រភពនៃវីរុស ។ បច្ចុប្បន្ន មានការសិក្សាស្រាវជ្រាវនៃអ្នកវិទ្យាសាស្ត្រប្រទេសជាច្រើនបានបញ្ជាក់ថា វីរុសកូវីដ១៩មិនមែនបង្កើតឡើងនៅក្នុងបន្ទប់ពិសោធន៍ទេ ។ ការពិតកាន់តែច្រើនក៏បានបញ្ជាក់ដែរថា ពេលវេលារកឃើញអ្នកឆ្លងជម្ងឺកូវីដ១៩នៅអាមេរិកគឺកើតមុនការរាយការណ៍របស់រដ្ឋាភិបាលទៀតផល រហូតដល់ទៅមានលទ្ធភាពរីករាលនៅសហគមន៍អាមេរិកនៅរដូវគ្រុនផ្តាសាយនាខែកញ្ញាឆ្នាំទៅឯណោះ ។
ហើយពាក្យដែលថាចង់ផ្តាច់ទំនាក់ទំនងជាមួយប្រទេសចិន កាន់តែបានបង្ហាញឱ្យឃើញនូវភាពក្រអឺតក្រអាងនិងភាពអវិជ្ជារបស់អ្នកនយោបាយទាំងនេះ ។ ទីភ្នាក់ងាររឺធើបានផ្សាយដំណឹងឱ្យដឹងថា រដ្ឋាភិបាលអាមេរិកកំពុងជំរុញផែនការមួយដែលបណ្តេញប្រទេសចិនចេញពីខែ្សសង្វាក់ផ្គត់ផ្គង់ឧស្សាហកម្មពិភពលោក ។
ប៉ុន្តែការពិតយ៉ាងដូចម្តេច? នាពេលកន្លងទៅថ្មីៗនេះ សហគ្រាសអាមេរិកជាច្រើននាំគ្នាពង្រីកទំហំពាណិជ្ជកម្មរបស់ខ្លួននៅប្រទេសចិន ដូចជា ក្រុមហ៊ុនTeslaបានប្រកាសពង្រីកផលិតភាពនៃរោងចក្រនៅសៀងហៃ ក្រុមហ៊ុនWalmartបានប្រកាសពង្រីកការវិនិយោគនៅក្រុងវូហានជាដើម ។ សហគ្រាសអាមេរិកទាំងនេះបានបង្ហាញនូវជំនឿចិត្តលើទីផ្សារនិងសេដ្ឋកិច្ចចិនតាមរយៈប្រតិបត្តិការជាក់ស្តែង ។
អាមេរិកបច្ចុប្បន្ន មិនគ្រាន់តែបានធ្វើឱ្យបាត់បង់អាយុជីវិតមនុស្សដ៏មានតម្លៃជាច្រើនប៉ុណ្ណោះទេ ឯពាក្យកុហករបស់អ្នកនយោបាយក៏បាននាំឱ្យបាត់បង់មុខមាត់របស់អាមេរិកផងដែរ ៕
