កាលពីថ្ងៃទី៧ខែឧសភាតាមម៉ោងក្នុងតំបន់ មន្ទីរពេទ្យ Albert Schweitzer ដែលស្ថិតនៅក្រុង Colmar ភាគខាងកើតបារាំងបានចេញសេចក្តីប្រកាសថា អ្នកទទួលខុសត្រូវផ្នែករូបភាពវេជ្ជសាស្ត្រនៃមន្ទីរពេទ្យនេះបានសិក្សាឡើងវិញនូវរូបភាពកាំរស្មីអ៊ិចនៅទ្រូងទាំងអស់ដែលថតពីថ្ងៃទី១ខែវិចិ្ឆកាឆ្នាំ២០១៩ដល់ថ្ងៃទី៣០ខែមេសាឆ្នាំនេះសរុប២៤៥៦សន្លឹក ។ ការសិក្សាស្រាវជ្រាវបានបង្ហាញថា ករណីដែលមានរោគសញ្ញាជំងឺកូវីដ១៩ដំបូងបង្អស់អាចរកឃើញកាលពីថ្ងៃទី១៦ខែវិចិ្ឆកាឆ្នាំ២០១៩ ប៉ុន្តែគិតមកទល់ចុងខែកុម្ភៈឆ្នាំ២០២០នេះ ចំនួនករណីប្រហែលគ្នាបានកើនឡើងបន្តិចម្តងៗរហូតមក បន្ទាប់មកក៏ឈានចូលក្នុងដំណាក់កាលកើនឡើងយ៉ាងឆាប់រហ័ស ហើយឡើងដល់ចំណុចកំពូលកាលពីថ្ងៃទី៣១ខែមីនាឆ្នាំនេះ ។
លោក Jean-Philippe Masson ប្រធានសមាគម FNMR របស់បារាំងបានថ្លែងទៅកាន់អ្នកសារព័ត៌មានថា លទ្ធផលស្រាវជ្រាវបែបនេះគឺអាចជឿទុកចិត្តបាន ពីព្រោះបច្ចុប្បន្ននេះ បានរកឃើញការប្រែប្រួលខាងរោគសាស្ត្រនៃជំងឺកូវីដ១៩ចំនួន៤ ហើយអាចសង្កេតមើលតាមរូបភាពកាំរស្មីអ៊ិចនៅទ្រូងបាន ។
