ជាការឆ្លើយតបនឹងអត្ថបទមួយដែលលើកឡើងថា ប្រទេសបារាំងរកឃើញលទ្ធផលវិជ្ជមានដំបូងនៃការធ្វើតេស្ត PCR ចំពោះករណីជំងឺកូវីដ ១៩ តាំងពីថ្ងៃទី ២៧ ខែធ្នូ ឆ្នាំមុន មកម្ល៉េះ លោកស្រី Maria Van Kerkhove ប្រធានផ្នែកបច្ចេកទេសទទួលបន្ទុកកម្មវិធីសុខាភិបាលបន្ទាន់នៃអង្គការសុខភាពពិភពលោកបានថែ្លងកាលពីថ្ងៃទី ៦ ខែឧសភា ថា គួរតែធ្វើការសិក្សាស្រាវជ្រាវបន្ថែមទៀត។
នាពេលថ្មីៗនេះ លោក Ian Jones សាស្រ្តាចារ្យខាងវីរុសវិទ្យានៃសាកលវិទ្យាល័យ Reading អង់គ្លេសបានសង្កត់ធ្ងន់នៅក្នុងពេលផ្តល់បទសម្ភាសន៍ជាមួយបណ្តាញទូរទស្សន៍អន្តរជាតិចិន (CGTN) ថា វីរុសកូវីដ១៩មិនមែនកើតចេញពីវិទ្យាស្ថានសិក្សាស្រាវជ្រាវអំពីវីរុសក្រុងវូហាននោះទេ។លំដាប់ហ្សែនបញ្ជាក់ថា នេះជាវីរុសកើតចេញពីសត្វ។វីរុសសត្វស្រដៀងនេះក៏ធ្លាប់បានរីករាលដាលជាច្រើនដងមកហើយ ហើយវាក៏មិនអាចកើតចេញពីបន្ទប់ពិសោធន៍របស់មនុស្សនោះទេ៕
