តាមការផ្សាយដំណឹងឱ្យដឹងថា សមាជិកសភានៃបក្សសាធារណរដ្ឋរបស់សហរដ្ឋអាមេរិកបានផ្ញើលិខិតទាមទារឱ្យក្រសួងអប់រំសហរដ្ឋអាមេរិកផ្តល់ឯកសារពាក់ព័ន្ធអំពីការវិនិយោគរបស់ប្រទេសចិននៅសាលាឧត្តមសិក្សាអាមេរិកដើម្បីឈានដល់គោលដៅឃោសនារបស់ពួកគេ ហើយថ្លែងថា ភាគីចិនវិនិយោគទៅលើមជ្ឈដ្ឋានវិទ្យាសាស្ត្រអាមេរិកគឺដើម្បីលួចយកព័ត៌មាននិងបច្ចេកទេស ។ ទាក់ទិននឹងករណីនេះ លោកស្រី Hua Chunying អ្នកនាំពាក្យក្រសួងការបរទេសចិនបានថ្លែងកាលពីថ្ងៃទី៦ខែឧសភាថា មិនត្រូវមួលបង្កាច់និងធ្វើឱ្យទៅជារឿងនយោបាយចំពោះកិច្ចសហប្រតិបត្តិការនិងការផ្លាស់ប្តូរផ្នែកស្រាវជ្រាវវិទ្យាសាស្ត្រជាប្រក្រតីនោះឡើយ ។ ចិននិងសហរដ្ឋអាមេរិកត្រូវតែផ្តល់លក្ខខណ្ឌអំណោយផលដល់ការធ្វើកិច្ចសហប្រតិបត្តិការនិងការផ្លាស់ប្តូរជាប្រក្រតីរវាងមជ្ឈដ្ឋានអប់រំនិងមជ្ឈដ្ឋានវិទ្យាសាស្ត្រនៃប្រទេសទាំងពីរ ។ តើអ្នកណាជាអ្នកផ្សព្វផ្សាយព័ត៌មានក្លែងក្លាយ?អ្នកណាធ្វើការឃោសនាខាងនយោបាយ?ការផ្សាយដំណឹងមួយចំនួនក្នុងប្រទេសអាមេរិកនៅពេលថ្មីៗកន្លងទៅនេះសុទ្ធតែបានទម្លាយចេញអស់ហើយ អ្នកផងទាំងពួងសុទ្ធតែបានឃើញយ៉ាងច្បាស់ ។