លោក Michael Melham អភិបាលក្រុង Belleville នៃរដ្ឋញូជឺស៊ី នៃសហរដ្ឋអាមេរិកបានថែ្លងនាពេលថ្មីៗនេះ ថា លោកមានវិជ្ជមានលើការធ្វើតេស្តវីរុសកូវីដ ១៩ ហើយលោកជឿជាក់ថា លោកបានឆ្លងវីរុសកូវីដ ១៩ កាលពីខែវិច្ឆិកា ឆ្នាំ ២០១៩ មកម្ល៉េះ។លោកគ្មានប្រវត្តិធ្វើដំណើរទៅក្រៅប្រទេសនោះទេ ពេលនោះគ្រូពេទ្យធ្វើរោគវិនិច្ឆ័យថា លោកបានឆ្លងជំងឺផ្តាសាយ។
ទាក់ទិននឹងរឿងនេះ លោក Cui Tiankai ឯកអគ្គរដ្ឋទូតចិនប្រចាំនៅសហរដ្ឋអាមេរិកបានថែ្លងកាលពីយប់ថ្ងៃទី ៥ ខែឧសភា ថា អ្នកវិទ្យាសាស្ត្រជាច្រើនសុទ្ធតែជឿជាក់ថា ទីកន្លែងដែលរកឃើញករណីឆ្លងដំបូង វាមិនប្រាកដជាប្រភពនៃកំណើតវីរុសនោះទេ។មនុស្សជាច្រើនគិតថា ករណីឆ្លងដំបូងបំផុតត្រូវបានរកឃើញនៅក្រុងវូហាន ប៉ុន្តែឥឡូវនេះករណីកើតមុនក្រុងវូហានត្រូវបានរកឃើញនៅក្នុងសហរដ្ឋអាមេរិកនិងអឺរ៉ុប។តើនេះមានន័យថាយ៉ាងម៉េចត្រូវទុកឱ្យអ្នកវិទ្យាសាស្ត្រជាអ្នកសិក្សាស្រាវជ្រាវ។ទាក់ទិននឹងប្រភពនៃវីរុស មជ្ឈដ្ឋានវិទ្យាសាស្ត្រជាទូទៅជឿជាក់ថា វីរុសនេះត្រូវកើតចេញពីធម្មជាតិ មិនមែនបង្កើតឡើងនៅក្នុងបន្ទប់ពិសោធន៍នោះទេ។លោករំពឹងថា អ្នកទាំងអស់គ្នាអាចជឿលើវិទ្យាសាស្ត្រនិងការពិត៕