អង្គការសុខភាពពិភពលោកបានបើកធ្វើសន្និសីទកាសែតជាប្រចាំស្តីពីជំងឺកូវីដ ១៩ កាលពីថ្ងៃទី ៤ ខែឧសភា ។ ជុំវិញករណីដែលលោកត្រាំ ប្រធានាធិបតីអាមេរិកនិងលោក MikePomPeo រដ្ឋមន្ត្រីការបរទេសអាមេរិកបានអះអាងថា វីរុសកូវីដ ១៩ មានប្រភពចេញពីមន្ទីរសិក្សាស្រាវជ្រាវវីរុសនៅក្រុងវូហាន មន្ត្រីជាច្រើនរូបនៃកម្មវិធីសុខាភិបាលជាបន្ទាន់នៃអង្គការសុខភាពពិភពលោកបានឆ្លើយតបថា ឈរលើមូលដ្ឋាននៃភស្តុតាងបានពីលំដាប់ហ្សែននិងយោបល់ទាំងអស់ដែលអង្គការសុខភាពពិភពលោកទទួលបាន សុទ្ធតែបញ្ជាក់ថា វីវុសមានប្រភពចេញពីធម្មជាតិ ។ ជាធម្មតា វីរុសកូរ៉ូណាគឺចម្លងទៅមករវាងសត្វប្រចៀវ ។ ពេលបច្ចុប្បន្ន មានលំដាប់ហ្សែននៃវីរុសពេញលេញជិត ១៥០០០ សំណាក សុទ្ធតែបង្ហាញថា វីរុសកូវីដ ១៩ មិនមែនបង្កើតឡើងដោយមនុស្សទេ ។
ចំណែកឯសម្ព័ន្ធ UKUSA ដែលជាបណ្តាញចែករំលែកព័ត៌មានរវាងអាមេរិក អង់គ្លេស កាណាដា អូស្ត្រាលីនិងនូវែលសេឡង់ ក៏បានថ្លែងកាលពីពេលថ្មីៗកន្លងទៅនេះថា ការផ្ទុះជំងឺកូវីដ ១៩ គ្មានលទ្ធភាពបណ្តាលមកពីការធ្លាយចេញវីរុសពីបន្ទប់ពិសោធន៍ទេ ។ ការលើកឡើងបែបនេះបានច្រានចោលពាក្យសម្តីដែលជាឧបាយកលរបស់លោកត្រាំនិងលោកMike Pompeo អំពីប្រភពដើមរបស់វីរុសកូវីដ ១៩ ។
