កាលពីថ្ងៃទី៤ខែឧសភា ប្រទេសចិនបានផ្តល់ថវិកាគ្រប់ចំនួនប្រចាំឆ្នាំ២០២០ជូនអង្គការសហប្រជាជាតិ សរុបជិត៣រយ៣៦លានដុល្លារអាមេរិក ដែលបានបង្ហាញថា ប្រទេសចិនគាំទ្រតួនាទីសំខាន់របស់អង្គការសហប្រជាជាតិ និងប្រកាន់ខ្ជាប់ពហុភាគីនិយមយ៉ាងម៉ឺងម៉ាត់ ។ លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិបានវាយតម្លៃខ្ពស់ចំពោះប្រទេសចិន ។
ឆ្នាំ២០២០នេះជាខួបឆ្នាំទី៧៥នៃការបង្កើតអង្គការសហប្រជាជាតិ សហគមន៍អន្តរជាតិរំពឹងទុកខ្ពស់ចំពោះតួនាទីនៃអង្គការសហប្រជាជាតិ ។ ប្រទេសចិនគាំទ្រយ៉ាងសកម្មចំពោះអង្គការសុខភាពពិភពលោក ដែលបានបរិច្ចាគ៥០លានដុល្លារអាមេរិក សម្រាប់ការបង្ការជំងឺកូវីដ១៩និងគាំទ្រការកសាងប្រព័ន្ធសុខាភិបាលរបស់ប្រទេសកំពុងអភិវឌ្ឍន៍ជាដើម ។
វីរុសគ្មានព្រំដែនទេ ជំងឺឆ្លងក៏មិនបែងចែកពូជសាសន៍ដែរ ។ ចិននឹងបន្តធ្វើកិច្ចសហប្រតិបត្តិការជាមួយប្រទេសនានា រួមគ្នាពុះពារឧបសគ្គនិងជំរុញការបង្កើតសហគមន៍រួមវាសនាតែមួយរបស់មនុស្សជាតិ ។