ពេលកន្លងទៅថ្មីៗនេះ ប្រព័ន្ធសារព័ត៌មានសំខាន់ៗរបស់អាមេរិកសុទ្ធតែចោទជាមន្ទិលសង្ស័យដល់ការបង្ការនិងគ្រប់គ្រងជំងឺកូវីដ១៩ក្នុងប្រទេស ។ ក្នុងនាមជាប្រទេសដែលមានលក្ខណសម្បត្តិផ្នែកព្យាបាលជំងឺដ៏ល្អបំផុតលើពិភពលោក សហរដ្ឋអាមេរិកបែរជាមានករណីឆ្លងជំងឺនិងករណីស្លាប់ច្រើនបំផុតលើទូទាំងពិភពលោកទៅវិញ និងបានក្លាយជាប្រទេសនាំចេញជំងឺកូវីដ១៩ដ៏សំខាន់ ។ អ្នកនយោបាយអាមេរិកមួយចំនួន ដែលមានលោកPompeoជាតំណាង មិនគិតពិចារណាពីការពង្រឹងការងារបង្ការនិងគ្រប់គ្រងជំងឺ បែរជាប្រឌិតពាក្យកុហក ប៉ុនប៉ង់ទម្លាក់កំហុសលើប្រទេសចិនតាមរយៈការពិនិត្យអង្កេតអន្តរជាតិ ក្នុងគោលបំណងបិទបាំងរឿងពិតនៃការបរាជ័យក្នុងការបង្ការនិងគ្រប់គ្រងជំងឺឆ្លងរបស់អាមេរិក ដើម្បីគេចវេះពីទំនួលខុសត្រូវក្នុងការបណ្តាលឱ្យជំងឺនេះរីករាលដាលខ្លាំង ។
ហេតុអ្វីការបង្ការនិងគ្រប់គ្រងជំងឺឆ្លងនៃអាមេរិកត្រូវបរាជ័យយ៉ាងខ្លាំង? អាមេរិកគួរតែទទួលខុសត្រូវយ៉ាងដូចម្ត៉េចចំពោះការរីករាលដាលនៃជំងឺនេះនៅទូទាំងពិភពលោក? តើអ្នកយោបាយអាមេរិកចង់លាក់បាំងរឿងអ្វី?ទាំងអស់នេះត្រូវឱ្យសហគមន៍អន្តរជាតិធ្វើការពិនិត្យអង្កេត ។
ជាបឋម អាមេរិកគួរតែអនុញ្ញាតឱ្យអង្គការសុខភាពពិភពលោកនិងអង្គការផ្សេងៗចូលពិនិត្យអង្កេតបន្ទប់ពិសោធន៍ជីវសាស្ត្រFort Detrick ។ មូលហេតុពិតនៃការបិទបន្ទប់ពិសោធន៍នេះគឺអ្វី ប្រជាជនមានសិទ្ធិយល់ដឹងឱ្យច្បាស់ ។ ទី ២ អាមេរិកគួរតែសហការជាមួយអង្គការអន្តរជាតិដើម្បីពិនិត្យអង្កេតឱ្យបានច្បាស់ថា តើមានការបិទបាំងជំងឺកូវីដ១៩ថាជាជំងឺគ្រុនផ្តាសាយឬអត់ ។ អ្នកជំងឺកូវីដ១៩លេខសូន្យលើពិភពលោកបានលេចចេញនៅអាមេរិកយូរមកហើយមែនឬ? ទី ៣ អាមេរិកគួរតែសហការជាមួយការពិនិត្យអង្កេតអន្តរជាតិ ដើម្បីស្វែងរកថា តើករណីឆ្លងវីរុសកូវីដ១៩ដំបូងនៅអាមេរិកកើតឡើងនៅពេលណា។
ប្រទេសចិនប្រឆាំងនឹងការផ្សារភ្ជាប់ការពិនិត្យអង្កេតអន្តរជាតិជាមួយនយោបាយ និងការមួលបង្កាច់ប្រទេសចិន ។ ការស៊ើបអង្កេតអន្តរជាតិស្តីពីជំងឺកូវីដ១៩ត្រូវតែដឹកនាំដោយអង្គការសហប្រជាជាតិ តែមិនអាចដឹកនាំដោយអាមេរិកដែលប្រកាន់យកឯកតោភាគីនិយមនោះទេ ។
ជំងឺនេះបានផ្ទុះនៅតំបន់ជាច្រើននៃពិភពលោក ហើយមិនដឹងច្បាស់ពីប្រភព បើធ្វើការពិនិត្យអង្កេតអន្តរជាតិ ក៏ត្រូវតែធ្វើឡើងក្នុងទម្រង់យុត្តិធម៌ ប្រទេសពាក់ព័ន្ធត្រូវមានសិទ្ធិស្មើគ្នា ៕