នៅវេលាម៉ោង១៨ល្ងាចកាលពីថ្ងៃទី៥ខែឧសភា រ៉ុក្កែតដឹកជញ្ជូន Long March-5B របស់ចិនបានត្រូវបង្ហោះជាលើកដំបូងដោយជោគជ័យ ដែលបង្ហាញថា ការដឹកមនុស្សទៅទីអវកាសរបស់ចិនបានបោះជំហានចូលក្នុងយុគសម័យស្ថានីយអវកាសជាផ្លូវការ ។ លោក Zhou Jianping អគ្គស្ថាបត្យករនៃកម្មវិធីដឹកមនុស្សទៅទីអវកាសរបស់ចិនបានថ្លែងថា កិច្ចសហប្រតិបត្តិការអន្តរជាតិខាងការប្រើប្រាស់លំហអវកាសនៃស្ថានីយអវកាសចិនបានចាប់ដំណើរការហើយ គម្រោងស្រាវជ្រាវខាងអវកាសរបស់ប្រទេសចំនួន១៧បានត្រូវជ្រើសរើស ។
ស្ថានីយអវកាសចិនមានកម្រិត៦០តោន គឺបង្កើតដោយបន្ទប់ស្នូលមួយនិងបន្ទប់ពិសោធន៍ពីរ ដែលមានអាយុ១០ឆ្នាំនិងអាចផ្ទុកមនុស្ស៣នាក់ ។
លោក Zhou Jianping បានថ្លែងថា ការសិក្សាខាងវិទ្យាសាស្ត្រជាកិច្ចការរួមរបស់មនុស្សជាតិ ប្រទេសចិនប្រកាន់ខ្ជាប់គោលការណ៍ប្រើប្រាស់អវកាសដោយសន្តិភាព និងលើកទឹកចិត្តឱ្យមានកិច្ចសហប្រតិបត្តិការអន្តរជាតិដ៏ទូលំទូលាយ ។
