កាលពីថ្ងៃទី៣ខែឧសភាតាមម៉ោងតំបន់ អ្នកទទួលខុសត្រូវម្នាក់នៃបន្ទប់ព្យាបាលជំងឺធ្ងន់នៃមន្ទីរពេទ្យបារាំងបានថ្លែងថា បារាំងបានរកឃើញករណីឆ្លងជំងឺកូវីដ១៩កាលពីចុងខែធ្នូឆ្នាំ២០១៩មកម៉្លេះ ។
លោកសាស្ត្រាចារ្យ YVES COHEN ជាអ្នកទទួលខុសត្រូវនៃបន្ទប់ព្យាបាលជំងឺធ្ងន់នៃមន្ទីរពេទ្យចំនួនពីរនៅក្បែរក្រុងប៉ារីស ។ លោកបានថ្លែងនៅពេលចូលរួមកម្មវិធីទូរទស្សន៍មួយកាលពីថ្ងៃទី៣ខែឧសភាថា មន្ទីរពេទ្យទាំងពីរដែលលោកទទួលខុសត្រូវនោះបានធ្វើតេស្តវីរុសជំងឺកូវីដ១៩ឡើងវិញចំពោះគំរូអាស៊ីដនុយគ្លេអ៊ិចរបស់អ្នកជំងឺដែលមានរោគសញ្ញាជំងឺរលាកសួតដែលរកឃើញពីខែធ្នូឆ្នាំ២០១៩ដល់ខែមករាឆ្នាំ២០២០នេះ ។ ក្នុងការធ្វើតេស្តចំពោះគំរូចំនួន២៤បានរកឃើញវិជ្ជមានលើអ្នកជំងឺម្នាក់ដែលចូលសម្រាកព្យាបាលកាលពីថ្ងៃទី២៧ខែធ្នូ្នឆ្នាំ២០១៩ ។
ប្រទេសបារាំងបានរាយការណ៍ពីករណីជំងឺកូវីដ១៩ដំបូងបង្អស់កាលពីថ្ងៃទី២៤ខែមករា តែបើតាមពាក្យសម្តីរបស់លោកសាស្ត្រាចារ្យ YVES COHEN ការរកឃើញករណីជំងឺកូវីដ១៩នៅដែនបារាំងគឺមុនថ្ងៃរាយការណ៍ប្រហែលជិតមួយខែ ។
