ក្នុងខណៈករណីជំងឺឆ្លងនៅប្រទេសអាមេរិកមានភាពតានតឹងជារៀងរាល់ថ្ងៃ ការរិះគន់ទៅលើភាពអសកម្មរបស់រដ្ឋាភិបាលលោកត្រាំកាន់តែច្រើនឡើងៗក្នុងប្រទេសអាមេរិក ។ចំណែកលោកត្រាំនិងអ្នកគាំទ្រលោកមិនត្រឹមតែមិនស្តាប់មតិរបស់ប្រជាជនដើម្បីផ្លាស់ប្តូរវិធានការទប់ស្កាត់តែបុណ្ណោះទេ ថែមទាំងច្រានចោលទំនួលខុសត្រូវលើអ្នកនេះអ្នកនោះទៅវិញ មិនថា សភាអាមេរិក ឬក៏អង្គការសុខភាពពិភពលោកជាដើមសុទ្ធតែរងការចោទប្រកាន់ពីលោកត្រាំដែរ។នាពេលកន្លងទៅនេះ ប្រទេសចិនបានទៅជាគ្រាប់បែកផ្សែងសម្រាប់លោកត្រាំគេចវេះពីទំនួលខុសត្រូវដែលត្រូវមួលបង្កាច់ថាបានបង្កើតវីរុសក្នុងបន្ទប់ពិសោធន៍។
ពាក្យចចាមអារ៉ាមនេះទើបលេចចេញក៏បានរងការទិទៀនយ៉ាងច្រើនពីប្រព័ន្ធសារព័ត៌មាននិងអ្នកជំនាញជាតិនិងអន្តរជាតិ។
លោក Jeremy Konyndykអ្នកសិក្សាស្រាវជ្រាវអំពីគោលនយោបាយជាន់ខ្ពស់នៃមជ្ឈមណ្ឌលលអភិវឌ្ឍន៍សកលនៃអាមេរិកបានទិទៀនផ្ទាល់លើបណ្តាញទំនាក់ទំនងសង្គមថា ទោះជារដ្ឋាភិបាលលោកត្រាំប្រើវិធីជាច្រើនដើម្បីស្វែងរកទំនាក់ទំនងរវាងវីរុសកូវីដ១៩ជាមួយនឹងបន្ទប់ពិសោធន៍ប្រទេសចិនក៏ដោយ ប៉ុន្តែរហូតដល់ពេលនេះពួកគេមិនបានទទួលភស្តុតាងណាមួយមកបញ្ជាក់ទេ។លោកបន្តថា មិនថាជាការបង្កើតដោយចេតនាឬក៏ធ្លាយចេញដោយចៃដន្យគឺសុទ្ធតែគ្មានភស្តុតាងបញ្ជាក់ថាវីរុសនេះកើតចេញពីបន្ទប់ពិសោធន៍នោះទេ។
លោក Vincent Racaniello សាស្រ្តាចារ្យផ្នែកមីក្រូជីវវិទ្យានិងប្រព័ន្ធស៊ាំវិទ្យានៃសកលវិទ្យាល័យកូឡុំប៊ីបានថ្លែងថា និយាយត្រង់គឺថាទស្សនស្តីពីវីរុសកើតចេញពីបន្ទប់ពិសោធន៍គឺមានមូលដ្ឋាននយោបាយ។លោកបន្តថា វាមិនមែនធ្លាយចេញពីបន្ទប់ពិសោធន៍នោះទេ ព្រោះបើដូច្នេះមែន បុគ្គលិកសិក្សាស្រាវជ្រាវត្រូវឆ្លងមុនគេបង្អស់។
