កាលពីថ្ងៃទី ២ ខែឧសភា ទស្សនាវដ្តីBusiness insider បានផ្សាយដំណឹងឱ្យដឹងថា លោកស្រីJonna Mazet អ្នកជំនាញផ្នែកជំងឺឆ្លងនៃសកលវិទ្យាល័យCalifornia សាខាDavis ដែលធ្លាប់បណ្តុះបណ្តាលបុគ្គលិកនៃវិទ្យាស្ថានវីរុសក្រុងវូហានព្រមទាំងបានចូលរួមកិច្ចសហប្រតិបត្តិការបានសម្គាល់ថា ការឆ្លងវីរុសកូវីដ-១៩ គ្មានលទ្ធភាពកើតចេញពីបន្ទប់ពិសោធន៍នោះទេ លោកស្រីបានលើកពីមូលហេតុចំនួន ៤ ។
មូលហេតុទី ១ គំរូវីរុសក្នុងបន្ទប់ពិសោធន៍មិនស៊ីគ្នានឹងវីរុសកូវីដ-១៩ ទេ ។
អត្ថបទបានចែងថា លោកស្រីJonna Mazet ថ្លែងថា សហការីរបស់លោកស្រីបានប្រៀបធៀបក្រុមហ្សែននៃវីរុសកូវីដ-១៩ជាមួយនឹងវីរុសលើសត្វប្រចៀវផ្សេងទៀតដែលក្រុមការងារលោកស្រីធ្លាប់ប្រមូលពីមុន ឃើញថាពួកវាមិនស៊ីគ្នាទេ ។
ព្រមជាមួយនេះ លោកស្រីថ្លែងថា សហការីរបស់លោកស្រីបញ្ជាក់ថា នៅមុនផ្ទុះជំងឺកូវីដ-១៩ មិនដែលធ្លាប់រកឃើញវីរុសបែបនេះទេ ។
មូលហេតុទី ២ បន្ទប់ពិសោធន៍សុទ្ធតែអនុវត្តតាមកិច្ចព្រមព្រៀងសន្តិសុខដ៏តឹងរ៉ឹង ។
មូលហេតុទី ៣ វីរុសកូវីដ-១៩ជាវីរុសថ្មីបំផុតមួយប្រភេទដែលឆ្លងទាំងមនុស្សនិងសត្វ ។
មូលហេតុទី ៤ មនុស្សសាមញ្ញកាន់តែងាយប៉ះពាល់ជាមួយវីរុសនេះជាងបុគ្គលិកសិក្សាស្រាវជ្រាវ ៕
