ទីស្តីការប្រធានាធិបតីបារាំងបានចេញសេចក្តីថ្លែងការណ៍រួមមួយដែលមានការចុះហត្ថលេខារួមដោយមេដឹកនាំនៃប្រទេសនិងស្ថាប័នអឺរ៉ុបមួយចំនួនកាលពីថ្ងៃទី ៣ ខែឧសភាដើម្បីអំពាវនាវដល់សហគមន៍អន្តរជាតិឱ្យពង្រឹងកិច្ចសហប្រតិបត្តិការក្នុងការសិក្សាស្រាវជ្រាវនិងអភិវឌ្ឍវ៉ាក់សាំងសម្រាប់ប្រឆាំងជំងឺកូវីដ ១៩ ជាដើមនិងបន្តគាំទ្រដល់អង្គការសុខភាពពិភពលោកព្រមទាំងស្ថាប័នសុខភាពសកលដទៃទៀតក្នុងសកម្មភាពប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ ។
សេចក្តីថ្លែងការណ៍នេះត្រូវបានចុះហត្ថលេខារួមគ្នាដោយលោក Emmanuel Macron ប្រធានាធិបតីបារាំង លោកស្រី Angela Dorothea Merkel នាយករដ្ឋមន្រ្តីអាល្លឺម៉ង់ លោក Giuseppe Conte នាយករដ្ឋមន្រ្តីអ៊ីតាលី លោក Erna Solberg នាយករដ្ឋមន្រ្តីន័រវែស លោក Charles Michel ប្រធានក្រុមប្រឹក្សាអឺរ៉ុបនិងលោក Ursula von der Leyen ប្រធានគណៈកម្មាធិការអឺរ៉ុប។
សេចក្តីថ្លែងការណ៍នេះបានសង្កត់ធ្ងន់ថា គ្រប់ភាគីទាំងអស់មានផលប្រយោជន៍រួមក្នុងការទប់ទល់នឹងការរីករាលដាលនៃកូវីដ ១៩ ។លុះត្រាតែប្រទេសនិងតំបន់ទាំងអស់សុទ្ធតែគ្រប់គ្រងការរាតត្បាតនៃជំងឺឆ្លងនេះ ទើបអាចទទួលបាននូវសន្តិសុខដ៏ពិតប្រាកដ។ការរីករាលដាលនៃកូវីដ ១៩ គឺជាបញ្ហាប្រឈមជាសកល ហើយពួកយើងគប្បីរួមសហការគ្នាដើម្បីស្វែងរកវ៉ាក់សាំងនិងវិធីធ្វើតេស្តរកវីរុសនិងព្យាបាលដ៏មានប្រសិទ្ធភាព៕