ថ្ងៃទី ៤ ខែឧសភានេះជាទិវាយុវជនចិន។ ឆ្លៀតឱកាសនេះ លោក ស៊ី ជីនភីង អគ្គលេខាធិការ នៃគណៈកម្មាធិការមជ្ឈិមបក្សកុម្មុយនិស្ត ប្រធានរដ្ឋ និងជាប្រធានគណៈកម្មាធិការយោធាមជ្ឈិមចិន បានតាងនាមមជ្ឈិមបក្ស ចូលរួមអបអរសាទរ ជូនពរនិងសួរសុខទុក្ខយ៉ាងស្មោះចំពោះយុវជនចិនគ្រប់ជនជាតិទូទាំងប្រទេស។
លោក ស៊ី ជីនភីង បានថ្លែងថា ពេលប្រឈមមុខនឹងជំងឺកូវីដ ១៩ ដែលស្រាប់តែផ្ទុះរីករាលដាល បណ្តាយុវជនគ្រប់ជនជាតិទូទាំងប្រទេសចិនបានឆ្លើយតបនឹងសេចក្តីអំពាវនាវនៃមជ្ឈិមបក្សកុម្មុយនិស្តចិនយ៉ាងសកម្ម បានចូលបម្រើការងារបង្ការ ប្រយុទ្ធប្រឆាំង គ្រប់គ្រងនិងទប់ស្កាត់ជំងឺឆ្លងយ៉ាងអង់អាចក្លាហាន បានបង្ហាញនូវស្មារតីហ៊ានទទួលខុសត្រូវរបស់យុវជនចិននាសម័យបច្ចុប្បន្ន និងទទួលបានការកោតសរសើរខ្ពស់ពីប្រជាជននិងបក្ស។ លោកមានមោទនភាពណាស់ចំពោះយុវជនគ្រប់រូប !
លោក ស៊ី ជីនភីង បានសង្កត់ធ្ងន់ថា ឆ្នាំ ២០២០ នេះ ប្រទេសចិននឹងបញ្ចប់ភារកិច្ចលុបបំបាត់ភាពក្រីក្របំផុត និងកសាងនូវសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ហើយជាឆ្នាំប្រវត្តិសាស្ត្រដែលចិននឹងសម្រេចទិសដៅភារកិច្ច « សតវត្សរ៍ចំនួន ២ » ទៀតផង យុវជនចិនក្នុងយុគសម័យថ្មី គួរតែបន្តអនុវត្តស្មារតីទិវា ៤ ឧសភា ប្រកាន់ខ្ជាប់ឧត្តមគតិ ខិតខំតស៊ូយ៉ាងមុតមាំក្លាហាន ដើម្បីសម្រេចនូវសុបិនចិនស្តីអំពីស្តារភាពរុងរឿងដ៏មហិមារបស់ប្រជាជាតិចិនឡើងវិញ ស្របតាមឆន្ទៈរបស់បងប្អូនជនរួមជាតិរាប់សែនរាប់លាននាក់៕