វិទ្យាស្ថានPasteur បារាំងបានចេញសេចក្តីប្រកាសកាលពីថ្ងៃទី ២ ខែឧសភាថា ការពិនិត្យអង្កេតមួយដែលមានការចូលរួមពីស្ថាប័នសិក្សាស្រាវជ្រាវជាច្រើននៃប្រទេសបារាំងបានរកឃើញជាលើកដំបូងនូវករណីសត្វឆ្មាចិញ្ចឹមមួយក្បាលដែលឆ្លងវីរុសកូវីដ ១៩ នៅក្នុងប្រទេសបារាំង ។ ដូចគ្នានឹងករណីមុនៗដែលបានរកឃើញលើពិភពលោកអ៊ីចឹង សត្វឆ្មានេះគឺរស់នៅជាមួយអ្នកឆ្លងវីវុសកូវីដ ១៩ ម្នាក់ ។
សេចក្តីប្រកាសបានបញ្ជាក់ថា ឈរលើមូលដ្ឋាននៃការសិក្សាតាមបែបវិទ្យាសាស្ត្រនាពេលបច្ចុប្បន្នបានដឹងថា ទោះបីជាប៉ះពាល់ជាមួយអ្នកឆ្លងវីរុសកូវីដ ១៩ ក្តី សត្វឆ្មាគឺមិនងាយឆ្លងវីរុសកូវីដ ១៩ ទេ ។ ប៉ុន្តែ អ្នកឆ្លងវីរុសកូវីដ ១៩ គួរតែកាត់បន្ថយការប៉ះពាល់យ៉ាងជិតស្និទ្ធជាមួយសត្វឆ្មា ត្រូវតែពាក់ម៉ាស់និងលាងដៃមុនពេលប៉ះពាល់ជាមួយពួកវា ។
