ដោយគិតពិចារណាលើការរីករាលដាលនៃជំងឺកូវីដ១៩នៅប្រទេសកូរ៉េខាងត្បូងត្រូវបានគ្រប់គ្រងក្នុងមួយកម្រិតហើយនោះ លោក Chung Sye-kyun នាយករដ្ឋមន្រ្តីកូរ៉េខាងត្បូងបានប្រកាសកាលពីថ្ងៃទី៣ខែឧសភាថា កូរ៉េខាងត្បូងនឹងចូលក្នុងដំណាក់កាលបង្ការនិងគ្រប់គ្រងជំងឺឆ្លងដែលស្តារជីវភាពរស់នៅធម្មតាឡើងវិញចាប់ពីថ្ងៃទី៦ខែឧសភាខាងមុខនេះតទៅ។
លោក Chung Sye-kyunបានថ្លែងថា ពិតមែនតែនៅក្រៅប្រទេសនៅប្រឈមមុខនឹងគ្រោះថ្នាក់នៃជំងឺឆ្លងក៏ដោយ ប៉ុន្តែ ករណីជំងឺឆ្លងក្នុងប្រទេសកូរ៉េខាងត្បូងត្រូវបានគ្រប់គ្រងជាទូទៅ អ្នកជំនាញ រដ្ឋបាលតំបន់និងអ្នកក្រុងសុទ្ធតែយល់ឃើញថា កូរ៉េខាងត្បូងមានល័ក្ខខ័ណ្ឌឈានចូលក្នុងដំណាក់កាលបង្ការនិងគ្រប់គ្រងជំងឺឆ្លងដែលស្តារជីវភាពរស់នៅធម្មតាឡើងវិញហើយ។
ជុំវិញបញ្ហាសិស្សចូលរៀនក្នុងសាលាវិញលោក Chung Sye-kyun បានថ្លែងថា នឹងចាត់ចែងឱ្យសិស្សានុសិស្សវិលត្រឡប់ទៅសាលារៀនវិញដោយចែកជាដំណាក់កាលតាមការប្រកាសរបស់រដ្ឋមន្រ្តីក្រសួងអប់រំ។
