ថ្ងៃទី១ខែឧសភា លោក Richard Horton និពន្ធនាយករបស់ទស្សនាវដី Lancet ដែលជាទស្សនាវដីផ្នែកវេជ្ជសាស្រ្តដ៏ល្បីឈ្មោះក្នុងអន្តរជាតិថ្លែងក្នុងពេលផ្តល់បទសម្ភាស ថា សហរដ្ឋអាមេរិកបានខ្ជះខ្ជាយពេលវេលាខែកុម្ភៈទាំងមូលនិងដើមខែមីនា នេះគឺជាសោកនាដកម្មជំងឺកូវីដ១៩ដែលបង្កើតឡើងដោយមនុស្ស។
ទី១ ពីពេលដំបូងមក ថ្នាក់សម្រេចគោលនយោបាយរបស់សហរដ្ឋអាមេរិកក៏មិនអើពើនឹងការព្រមានដែលបញ្ចេញដោយប្រទេសចិននិងអង្គការសុខភាពពិភពលោកនោះទេ ព្រមទាំងចាត់ទុកជំងឺកូវីដ១៩ជា”ជំងឺគ្រុនផ្តាសាយធំ” ព្រមពេលជាមួគ្នានេះ គណៈបក្សទាំងពីររបស់សហរដ្ឋអាមេរិកបានធ្លាក់ចូលជម្លោះរវាងគណៈបក្ស ដោយគ្មានធ្វើអ្វីទាំងអស់សោះក្នុងរយៈពេល៧០ថ្ងៃ។
ទី២ ថ្នាក់សម្រេចគោលនយោបាយរបស់សហរដ្ឋអាមេរិកប្រកាន់ខ្ជាប់នូវ“ អាទិភាពរបស់សហរដ្ឋអាមេរិក” ក្នុងការទប់ស្កាត់ជំងឺឆ្លង ឆ្លៀតឱកាសនេះបានអនុវត្តគោលនយោបាយផ្សេងទៀត ដែលបានបង្កើនហានិភ័យនៃការរីករាលដាលនៃជំងឺកូវីដ១៩នៅទូទាំងពិភពលោក។ ថ្មីៗនេះរដ្ឋាភិបាលសហរដ្ឋអាមេរិកបានយក“ ការទប់ស្កាត់ជំងឺកូវីដ១៩” ធ្វើជាលេស បង្កើនកម្រិតបញ្ជូនជនអន្តោប្រវេសន៍ខុសច្បាប់មកពីប្រទេសម៉ិកស៊ិកនិងអាមេរិកកណ្តាលទៅប្រទេសដើមវិញ វិធានការនេះបានធ្វើឱ្យជំងឺរីករាលដាលកាន់តែធ្ងន់ធ្ងរនៅប្រទេសអាមេរិកឡាទីន។
ទី៣ ពេលកន្លងទៅពេលថ្មីៗនេះសហរដ្ឋអាមេរិកបានផ្អាកការផ្តល់ថវិកាដល់អង្គការសុខភាពពិភពលោក ការសម្រេចចិត្តរបស់សហរដ្ឋអាមរិកមួយនេះនិងដាក់កំហិតថែមមួយកម្រិតទៀតចំពោះជំនួយរបស់អង្គការសុខភាពពិភពលោកដល់ប្រទេសកំពុងអភិវឌ្ឍន៍ គំរាមកំហែងយ៉ាងធ្ងន់ធ្ងរដល់សន្តិសុខសុខាភិបាលសាធារណៈនៅពិភពលោកទាំងមូល ដែលត្រូវរងការថ្កោលទោសនិងរិះគន់យ៉ាងទូលំទូលាយពីបណ្តាភាគីនានា។
ការពិតជាច្រើនបានបញ្ជាក់ថា អ្នកនយោបាយមួយចំនួនរបស់សហរដ្ឋអាមេរិកគួរទទួលខុសត្រូវចំពោះការរីករាលដាលនៃជំងឺកូវីដ១៩នៅទូទាំងពិភពលោក ។
