លោកស្រី Merkel នាយករដ្ឋមន្រ្តីអាលល្លឺម៉ង់បានថ្លែងសុន្ទរកថាតាមប្រព័ន្ធវីដេអូកាលពីថ្ងៃទី២ខែឧសភា ដោយបានអំពាវនាវឱ្យពិភពលោកទាំងមូលធ្វើកិច្ចសហប្រតិបត្តិការដើម្បីស្រាវជ្រាវអភិវឌ្ឍវ៉ាក់សាំងកូវីដ១៩ ហើយបានគូសបញ្ជាក់ថា អង្គការសុខភាពពិភពលោកបានដើរតួនាទីគន្លឹះក្នុងការទប់ស្កាត់ជំងឺកូរីដ១៩។
លោកស្រី Merkel បានថ្លែងថា ជំងឺឆ្លងនេះជាជំងឺរាតត្បាតជាសកលដែលរីករាលដាលនៅទូទាំងពិភពលោក ប្រទេសនានាចាំបាច់ត្រូវធ្វើកិច្ចសហប្រតិបត្តិការ។ ការស្រាវជ្រាវអភិវឌ្ឍវ៉ាក់សាំងកូវីដ១៩មិនគ្រាន់តែជាឱកាសសម្រាប់ឱ្យប្រទេសនានាចាត់ប្រតិបត្តិការណ៍រួមប៉ុណ្ណោះ ព្រមពេលជាមួយគ្នានេះថែមទាំងត្រូវធានាឱ្យវ៉ាក់សាំងផ្តល់ផលប្រយោជន៍ដល់មនុស្សទាំងអស់ទៀតផង។
លោកស្រី Merkel បានថ្លែងទៀតថា ប្រទេសអាល្លឺម៉ង់រំពឹងធ្វើកិច្ចសហប្រតិបត្តិការយ៉ាងជិតស្និទ្ធជាមួយអង្គការសុខភាពពិភពលោក មានតែតាមរយៈការខិតខំប្រឹងប្រែងរួម ចាត់ប្រតិបត្តិការណ៍ព្វហុភាគីអន្តរជាតិ ទើបប្រទេសនានាអាចយកឈ្នះលើជំងឺឆ្លងនេះ៕
