លោកស្រីវេជ្ជបណ្ឌិតXuJinhuaដែលឆ្នាំនេះមានអាយុ៤៣ឆ្នាំជាអ្នកគ្រូពេទ្យនៃផ្នែកសង្រ្គោះបន្ទាន់នៃមន្ទីរពេទ្យចិនសែនិងប៉ែកខាងលិចខណ្ឌFengtaiក្រុងប៉េកាំង។ មុនពេលចូលឆ្នាំថ្មីប្រពៃណីចិនឆ្នាំនេះ មន្ទីរពេទ្យមួយនេះត្រូវកំណត់ជាមន្ទីរពេទ្យពិសេសសម្រាប់ទទួលព្យាបាលអ្នកឆ្លងជំងឺកូវីដ១៩ ។ លោកស្រីXuJinhuaគឺជាគ្រូពេទ្យដែលចូលក្នុងទីតាំងដាក់ឱ្យនៅដោយឡែកពីគេមុនគេបង្អស់និងជាគ្រូពេទ្យដែលទទួលព្យាបាលអ្នកជំងឺដែលសម្រាកព្យាបាលក្នុងមន្ទីរពេទ្យមុនគេបង្អស់។
គ្រូពេទ្យនិងគិលានុបដ្ឋាយិកាដែលធ្វើការនៅបន្ទប់អ្នកជំងឺដែលដាក់ឱ្យនៅដោយឡែកបានពាក់សំលៀកបំពាក់ការពារវេជ្ជសាស្រ្ត អ្នកណាក៏មិនស្គាល់អ្នកណាទេ។ គ្រូពេទ្យនិងគិលានុបដ្ឋាយិកាទាំងឡាយក៏បានសរសេរឈ្មោះរបស់ខ្លួននិងពាក្យ”ខិតខំតស៊ូ “លើសំលៀកបំពាក់ ។ការសរសេរឈ្មោះគឺដើម្បីឱ្យសហការស្គាល់គ្នានិងផ្តល់កិច្ចសម្រួលក្នុងការផ្លាស់ប្តូរ ហើយពាក្យ”ខិតខំតស៊ូ“គឺដើម្បីលើកទឹកចិត្តដល់អ្នកជំងឺ។
ពេលសរសេរឈ្មោះលើសំលៀកបំពាក់ការពារ លោកស្រីXuJinhuaបានប្រាប់សហការីថា “មិនបាច់សរសេរឈ្មោះខ្ញុំទេ សរសេរតែពាក្យ”មិនខ្លាច”ក៏បានដែរ ខ្ញុំជាអ្នកណាវាមិនសំខាន់ទេ រំពឹងថាពេលអ្នកជំងឺមើលពាក្យទាំងនេះនិងលែងភ័យខ្លាចទៀត។ ជារៀងរាល់ថ្ងៃ យើងបានវាយតម្លៃចំពោះសភាពការណ៍ចិត្តសាស្រ្តរបស់អ្នកជំងឺនិងលួងលោមពួកគេ ហើយបានបង្កើតទំនុកចិត្តយ៉ាងពេញលេញទៅវិញទៅមក”៕
