តាមការផ្សាយដំណឹងនៃប្រព័ន្ធសារព័ត៌មានជប៉ុនឱ្យដឹងថា ពេលកន្លងទៅនេះ មានមនុស្សយកឈ្មោះរបស់លោកTasuku Honjoអ្នកទទួលពានរង្វាន់ណូប៉ែលផ្នែកសរីរវិទ្យាឬវេជ្ជសាស្រ្តឆ្នាំ២០១៨ ដោយបានផ្សព្វផ្សាយព័ត៌មានក្លែងក្លាយជាច្រើន ។ ទាក់ទិននឹងរឿងនេះ ពេលថ្មីៗនេះ លោកTasuku Honjoបានចេញផ្សាយសេចក្តីថ្លែងការណ៍ដើម្បីធ្វើការស្រាយបំភ្លឺតាមរយៈសកលវិទ្យាល័យក្យូដូ។
ថ្លែងក្នុងសេចក្តីថ្លែងការណ៍ លោកTasuku Honjoបានលើកឡើងថា ដោយមកពីជំងឺកូវីដ១៩បានផ្ទុះរាលដាលនៅក្របខណ្ឌទូទាំងពិភពលោក បានបណ្តាលឱ្យមានការឈឺចាប់និងការខូចខាតខាងសេដ្ឋកិច្ចដែលមិនធ្លាប់មានក្នុងប្រវត្តិសាស្រ្ត ។បច្ចុប្បន្ន ឈ្នោះរបស់ខ្ញុំនិងសកលវិទ្យាល័យត្យូដូត្រូវគេលួចប្រើប្រាស់ដើម្បីប្រកាសព័ត៌មានក្លែងក្លាយនិងផ្សព្វផ្សាយព័ត៌មានមិនត្រឹមត្រូវដែលធ្វើឱ្យខ្ញុំភ្ញាក់ផ្អើលយ៉ាងខ្លាំង។ បច្ចុប្បន្នគឺជាកាលៈទេសៈជាគន្លឹះរបស់យើងទាំងអស់គ្នា ជាពិសេសគឺមនុស្សដែលធ្វើការសិក្សាស្រាវជ្រាវខាងវិទ្យាសាស្រ្តនិងធ្វើកិច្ចសហប្រតិបត្តិការ ដើម្បីប្រយុទ្ធប្រឆាំងនឹងជំងឺឆ្លងដែលជាសត្រូវរួមរបស់មនុស្សជាតិ។ ការខិតខំប្រឹងប្រែងទាំងអស់របស់យើងចាំបាច់ត្រូវធ្វើក្នុងការព្យាបាលជំងឺ បង្ការកុំឱ្យជំងឺឆ្លងរីករាលដាលថែមមួយកម្រិតទៀត ក៏ដូចជាគ្រោងផែនការដែលសំដៅទៅរកយុគសម័យថ្មីផងដែរ ៕
