រសៀលថ្ងៃទី ២ ខែ ឧសភា ឆ្នាំ ២០២០ យន្តការស្តីពីការរួមគ្នាបង្ការនិងគ្រប់គ្រងជំងឺកូវីដ ១៩ នៃក្រុមប្រឹក្សាកិច្ចការរដ្ឋចិនបានរៀបចំធ្វើសន្និសីទសារព័ត៌មាន គណៈកម្មាធិការជាតិសុខាភិបាលចិនបានរាយការណ៍ពីព័ត៌មានពាក់ព័ន្ធនឹងជំងឺកូវីដ ១៩ ។
តាមដំណឹងថ្មីបំផុតដែលប្រកាសដោយអង្គការសុខភាពពិភពលោកបានឱ្យដឹងថា ជំងឺកូវីដ ១៩ បានរីករាលដាលដល់ប្រទេសនិងតំបន់ចំនួន ២១៣ នៅលើពិភពលោក ករណីឆ្លងថ្មីរៀងរាល់ថ្ងៃបានលើសពី ៦ ម៉ឺនករណីក្នុងរយៈពេល ១ ខែ ជាប់ៗគ្នា ។ ប្រទេសចិនបានចាត់បញ្ជូនក្រុមអ្នកជំនាញវេជ្ជសាស្ត្រសរុប ១៤៩ នាក់ទៅកាន់ប្រទេសចំនួន ១៦ ។ ថ្មីៗកន្លងទៅនេះ ក្រសួងការពារជាតិស៊ែប៊ីបានបានដល់មេដាយដល់ក្រុមអ្នកជំនាញវេជ្ជសាស្ត្រចិនដែលជានិមិត្តរូបនៃកិត្តិយសខ្ពស់បំផុតក្នុងការការពារប្រទេសជាតិ ។ ប្រទេសចិននឹងបន្តរួមសហការជាមួយសហគមន៍អន្តរជាតិ ដើម្បីរួមគ្នាប្រយុទ្ធប្រឆាំងនឹងជំងឺកូវីដ ១៩ ៕
