ទស្សនវដ្តី«Qiushi»ច្បាប់ទី៩ដែលបោះពុម្ពផ្សាយនៅថ្ងៃទី ១ ខែឧសភាឆ្នាំ ២០២០ បានចុះផ្សាយអត្ថបទរបស់លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្ត ប្រធានរដ្ឋ និងជាប្រធានគណៈកម្មាធិការយោធាមជ្ឈិមចិនក្រោមចំណងជើងថា «សុន្ទរកថាក្នុងកិច្ចប្រជុំស្តីពីការពុះពារឧបសគ្គក្នុងការលុបបំបាត់ភាពក្រីក្រដោយចំគោលដៅ»។
អត្ថបទបានគូសបញ្ជាក់ថា ការពុះពារឧបសគ្គក្នុងការលុបបំបាត់ភាពក្រីក្រដោយចំគោលដៅជាការពុះពារឧបសគ្គមួយក្នុងចំណោមឧបសគ្គធំទាំងបីដែលលើកឡើងក្នុងសមាជបក្សលើកទី១៩ ដែលប្រកបដោយសារសំខាន់ចំពោះការសម្រេចបានតាមពេលកំណត់នូវការកសាងសង្គមដែលប្រជាជនមានជីវភាពធូរធារបង្គួរ និងសម្រេចគោលដៅអភិវឌ្ឍ១០០ឆ្នាំទី១។
អត្ថបទបានបង្ហាញទៀតថា ក្នុងការអនុវត្តដ៏មហិមានៃការពុះពារឧបសគ្គក្នុងការលុបបំបាត់ភាពក្រីក្រ យើងទទួលបានបទពិសោធន៍ដ៏មានតម្លៃជាច្រើន ពោលគឺទី១ប្រកាន់ខ្ជាប់ការដឹកនាំរបស់បក្ស ទី២ប្រកាន់ខ្ជាប់គោលការណ៍អនុវត្តការងារឱ្យចំគោលដៅដើម្បីលើកកម្ពស់ប្រសិទ្ធភាពនៃការបម្រះខ្លួនចេញពីភាពក្រីក្រ ទី៣គឺប្រកាន់ខ្ជាប់ការបង្កើនការទម្លាក់ថវិកា ទី៤គឺប្រកាន់ខ្ជាប់នូវការបំផុសទឹកចិត្តសង្គមទាំងមូលដើម្បីប្រមូលផ្តុំកម្លាំងពីគ្រប់ភាគី ទី៥គឺប្រកាន់ខ្ជាប់នូវសំណូមពរយ៉ាងម៉ឺងម៉ាត់ដើម្បីជំរុញការអនុវត្តជាក់ស្តែង ទី៦គឺប្រកាន់ខ្ជាប់នូវឋានៈជាស្នូលរបស់ប្រជាជន។ បទធិសោធន៍ទាំងនេះមានតម្លៃឥតគណនា ដែលត្រូវប្រកាន់ខ្ជាប់ក្នុងរយៈពេលយូរនិងធ្វើឱ្យប្រសើរឡើងឥតឈប់ឈរ៕