ទាក់ទិននឹងពាក្យសម្តីរបស់លោកPompeoរដ្ឋមន្រ្តីការបរទេសអាមេរិកដែលចោទថា ប្រទេសចិននៅតែមិនអនុញ្ញាតឱ្យសហគមន៍អន្តរជាតិធ្វើការស៊ើបអង្កេតចំពោះវិទ្យាស្ថានវីរុសក្រុងវូហាន លោកកឹងស័ងអ្នកនាំពាក្យក្រសួងការបរទេសចិនបានឆ្លើយតបក្នុងសន្និសីទសារព័ត៌មានជាប្រចាំដែលបើកធ្វើនៅថ្ងៃទី៣០ខែមេសាថា ភាគីចិនដាស់តឿនអ្នកនយោបាយអាមេរិកឱ្យឈប់ទម្លាក់កំហុសទៅលើប្រទេសចិនទៀត។
លោកកឹងស័ងបានថ្លែងថា ពេលផ្តល់បទសម្ភាសន៍ជាពិសេសជាមួយទីភ្នាក់ងារសារព័ត៌មានរ៉យទ័រនាពេលកន្លងទៅនេះ លោកYuan Zhimingប្រធាននិងជាអ្នកស្រាវជ្រាវនៃបន្ទប់ពិសោធន៍អំពីសន្តិសុខជីវសាស្រ្តជាតិចិនបានឆ្លើយតបដោយគ្រប់ជ្រុងជ្រោយហើយអំពីរឿងនេះ ។ លោកបានចង្អុលបង្ហាញថា ក្រុមហ្សែននៃវីរុសកូវីដ១៩គ្មានការកែច្នៃដោយមនុស្សនោះទេ ពាក្យសម្តីដែលថា វីរុសមួយនេះបង្កើតឡើងដោយវិទ្យាស្ថានស្រាវជ្រាវវីរុសក្រុងវូហានគឺគ្មានភស្តុតាងទាល់តែសោះ វិទ្យាស្ថាននេះគ្មានសមត្ថភាពក្នុងការបង្កើតវីរុសកូរ៉ូណាថ្មីមួយប្រភេទនោះទេ ហើយក៏មិនដែលគិតធ្វើបែបនេះដែរ។ក្រៅពីនេះ លោកYuan Zhimingក៏បានបដិសេធចំពោះការបែបធ្លាយវីរុសចេញពីបន្ទប់ពិសោធន៍នេះដោយយថាហេតុផងដែរ៕
