ថ្ងៃទី៣០ ខែមេសា ក្នុងសន្និសីទកាសែតជាប្រចាំ លោកGeng Shuang អ្នកនាំពាក្យក្រសួងការបរទេសចិនបានឧទ្ទេសនាមពីស្ថានភាពពាក់ព័ន្ធនឹងរឿងដែលប្រទេសចិននិងកូរ៉េខាងត្បូងបានប្រកាសបង្កើត”ច្រកចេញចូលរហ័ស”សម្រាប់ការទៅមករបស់បុគ្គលសំខាន់និងបុគ្គលដែលមានភារៈបន្ទាន់ ។ លោកGeng Shuang បានថ្លែងថា ក្រោមបរិបទដែលការងារបង្ការនិងគ្រប់គ្រងជំងឺឆ្លងទៅជារឿងប្រក្រតីភាព ប្រទេសចិននិងកូរ៉េខាងត្បូងបានរួមគ្នាបង្កើត “ច្រកចេញចូលរហ័ស”ជាការធ្វើនវានុវត្តន៍មួយ ។ ប្រទេសទាំងពីរនឹងបង្កើនការប្រាស្រ័យទាក់ទងនិងកិច្ចសម្របសម្រួល ដើម្បីធ្វើឱ្យផែនការអនុវត្តប្រសើរឡើងជាបន្តបន្ទាន់ ។
តាមការឧទ្ទេសនាមរបស់លោកGeng Shuang បានឱ្យដឹងថា ថ្ងៃទី ២៩ ខែមេសា ប្រទេសចិននិងកូរ៉េខាងត្បូងបានបើកធ្វើកិច្ចប្រជុំតាមប្រព័ន្ធវីដេអូលើកទី ២ ស្តីពីយន្តការសហប្រតិបត្តិការផ្នែករួមគ្នាបង្ការនិងគ្រប់គ្រងជំងឺឆ្លង លទ្ធផលសំខាន់ជាងគេនៃកិច្ចប្រជុំលើកនេះគឺជាការប្រកាសបង្កើត “ច្រកចេញចូលរហ័ស”សម្រាប់បុគ្គលសំខាន់ផ្នែកធុរកិច្ចសំខាន់ ចរាចរណ៍ទំនិញ ផលិតកម្មនិងសេវាកម្មបច្ចេកទេសរវាងប្រទេសចិននិងកូរ៉េខាងត្បូង ៕
