នាយប់ថ្ងៃទី ៣០ ខែមេសា លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយលោក Milos Zerman ប្រធានាធិបតីឆែក។
ថ្លែងក្នុងកិច្ចជំនួបតាមទូរស័ព្ទ លោកស៊ីជីនភីងបានលើកឡើងថា ប្រទេសចិនគាំទ្រយ៉ាងមុតមាំចំពោះការប្រយុទ្ធប្រឆាំងនឹងជំងឺឆ្លងរបស់ឆែក ហើយនឹងចែករំលែកព័ត៌មាននិងបទពិសោធន៍ខាងការបង្ការនិងគ្រប់គ្រងជំងឺឆ្លងជាមួយឆែកតាមរយៈកិច្ចសហប្រតិបត្តិការទ្វេភាគី និងកិច្ចសហប្រតិបត្តិការរវាងចិននិងប្រទេសអឺរ៉ុបកណ្តាលនិងខាងកើតជាដើម។ លោកបានគូសបញ្ជាក់ថា មនុស្សជាតិជាសហគមន៍រួមវាសនាតែមួយដែលរួមសុខរួមទុក្ខ ជាពិសេសគឺខណៈពេលប្រឈមនឹងជំងឺឆ្លង។
លោកបានគូសបញ្ជាក់ទៀតថា ប្រទេសចិនយកចិត្តទុកដាក់ខ្ពស់ចំពោះការភិវឌ្ឍទំនាក់ទំនងរវាងចិននិងឆែក រីករាយរួមសហការជាមួយឆែកក្នុងការជំរុញទំនាក់ទំនងភាពជាដៃគូយុទ្ធសាស្ត្ររវាងចិននិងឆែកឱ្យវិវឌ្ឍរីកចម្រើនជាបន្តបន្ទាប់។
ជាការឆ្លើយតប លោក Milos Zerman បានថ្លែងថា ប្រទេសចិនបានគ្រប់គ្រងករណីជំងឺកូវីដ១៩ដោយជោគជ័យ ហើយការអភិវឌ្ឍសេដ្ឋកិច្ចក៏មានចក្ខុវិស័យដ៏ល្អប្រសើរផង
ដែរ។ ក្នុងឋានៈជាមិត្តភ័ក្តិដ៏ស្មោះរបស់ចិន ខ្ញុំនឹងខិតខំជំរុញកិច្ចសហប្រតិបត្តិការទ្វេភាគីដើម្បីធានាជាក់លាក់នូវការអភិវឌ្ឍជាបន្តបន្ទាប់នៃទំនាក់ទំនងរវាងប្រទេសទាំងពីរ៕