កិច្ចប្រជុំនៃគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកម្មុយនិស្តចិនដែលរៀបចំធ្វើកាលពីថ្ងៃទី ២៩ ខែ មេសា បានតម្រូវឱ្យថា បង្កើនការងារបង្ការនិងគ្រប់គ្រងករណីជំងឺឆ្លងដែលចម្លងនាំចូលពីបរទេស បន្តបង្កើនការយកចិត្តទុកដាក់ចំពោះពលរដ្ឋចិននៅក្រៅប្រទេស បង្កើនការបង្ការនិងគ្រប់គ្រងនៅព្រំដែននិងការដាក់ឱ្យនៅដាច់ដោយឡែកបន្ទាប់ពីចូលដែនចិន លើកកម្ពស់ភាពចំគោលនិងប្រសិទ្ធភាពនៃការទប់ស្កាត់ការរីករាលដាលដោយសារការចម្លងនាំចូលពីបរទេស ។
កិច្ចប្រជុំបានបង្ហាញថា ដើម្បីធ្វើឱ្យស៊ីជម្រៅនូវកិច្ចសហប្រតិបត្តិការអន្តរជាតិក្នុងការបង្ការនិងគ្រប់គ្រងជំងឺឆ្លង ត្រូវបន្តផ្តល់ជំនួយតាមលទ្ធភាពរបស់ខ្លួនដល់បណ្តាប្រទេសពាក់ព័ន្ធ បង្កើនការពិនិត្យគុណភាពរបស់សម្ភារៈបង្ការនិងគ្រប់គ្រងជំងឺឆ្លង សំដៅបន្តរួមចំណែកយ៉ាងសកម្មសម្រាប់កិច្ចសហប្រតិបត្តិអន្តរជាតិលើការងារប្រយុទ្ធប្រឆាំងនឹងជំងឺ Covid-19 ។
