“ប្រទេសចិនបានបង្ហាញឱ្យឃើញនូវសមត្ថភាពប្រតិបត្តិការជាសមូហភាពនិងស្មារតីសហប្រតិបត្តិការដែលគួរឱ្យពិភពលោកភ្ញាក់ផ្អើល”នេះគឺជាចំណាប់អារម្មណ៍របស់លោកBruce Alywardទីប្រឹក្សាជាន់ខ្ពស់នៃអគ្គនាយកអង្គការសុខភាពពិភពលោកដែលបានថ្លែងបន្ទាប់ពីអញ្ជើញទៅត្រួតពិនិត្យនិងសិក្សាការងារនៅប្រទេសចិនកាលពីចុងខែកុម្ភៈ។លោកសម្គាល់ថា ហេតុអ្វីបានជាប្រទេសចិនអាចយកឈ្នះក្នុងការប្រយុទ្ធប្រឆាំងនឹងជំងឺកូវីដ១៩ក្នុងរយៈពេលដ៏ខ្លី គឺដោយមកពីការបញ្ជាការនិងចាត់ចែងដោយចំគោលដៅដែលប្រកាន់ខ្ជាប់ទស្សនៈស្តីពីការចាត់ទុកមនុស្សជាគោលរបស់លោកស៊ីជីនភីង អ្នកដឹកនាំកំពូលចិន។
ការប្រយុទ្ធប្រឆាំងនឹងជំងឺឆ្លងរបស់ប្រទេសចិនបានបង្ហាញឱ្យឃើញនូវការស្វែងរកតម្លៃដែលចាត់ទុកមនុស្សជាគោលរបស់អ្នកកាន់អំណាច។ ប្រឈមនឹងករណីឆ្លងជំងឺកូវីដ១៩ដែលផ្ទុះរាលដាលភ្លាមៗលើកនេះ លោកស៊ីជីនភីងបានគូសបញ្ជាក់ជាច្រើនលើកថា ត្រូវចាត់ទុកសុវត្ថិភាពអាយុជីវិតនិងសុខភាពរបស់ប្រជាជនជាកិច្ចការអាទិភាពជាប់រហូត។
ការប្រយុទ្ធប្រឆាំងនឹងជំងឺឆ្លងរបស់ប្រទេសចិនក៏បានបង្ហាញឱ្យឃើញនូវមនោសញ្ចេតនាស្នេហាជាតិរបស់ប្រជាជនគ្រប់រូបដែលយកផលប្រយោជន៍ផ្ទាល់ខ្លួនទៅប្តូរយកផលប្រយោជន៍សាធារណៈក្នុងខណៈពេលកើតមានវិបត្តិករណីជំងឺឆ្លង ព្រមនិងការជួយយកអាសាគ្នាទៅវិញទៅមករវាងប្រជាជនចិន ។ បុគ្គលិកពេទ្យជាង៤ម៉ឺន២ពាន់នាក់ដែលមកពីតំបន់នានានៃប្រទេសចិនបានទៅជួយខេត្តហ៊ូប៉ីនិងក្រុងវូហានយ៉ាងឆាប់រហ័ស ។ក្នុងរយៈពេលជាង៧០ថ្ងៃដែលក្រុងវូហានត្រូវបិទ សម្ភារៈពេទ្យនិងសម្ភារៈផ្គត់ផ្គង់ជីវភាពដែលមកពីតំបន់នានានៃប្រទេសចិនត្រូវបានដឹកជញ្ជូនទៅដល់វូហានជាបន្តបន្ទាប់។
ប្រជាជាតិចិនដែលក្រេបយកជីវជាតិពីវប្បធម៌ប្រពៃណីដ៏ល្អផូរផង់បានបង្ហាញម្តងទៀតនូវកម្លាំងដ៏ខ្លាំងក្លាក្នុងការយកឈ្នះលើនានា៕
