កិច្ចប្រជុំនៃគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនដែលបើកធ្វើនៅថ្ងៃទី២៩ខែមេសាបានសិក្សានិងកំណត់គោលនយោបាយមួយចំនួនសម្រាប់ផ្តល់ការគាំទ្រដល់ការអភិវឌ្ឍសេដ្ឋកិច្ចនិងសង្គមរបស់ខេត្តហ៊ូប៉ី។
កិច្ចប្រជុំបានចង្អុលបង្ហាញថា ក្នុងការបង្ការនិងគ្រប់គ្រងជំងឺឆ្លងលើកនេះ ប្រជាជនខេត្តហ៊ូប៉ី ជាពិសេសគឺក្រុងវូហាន បានរួមចំណែកយ៉ាងច្រើននិងមានការលះបង់យ៉ាងធំធេង ដូចនេះបានប្រឈមនឹងបញ្ហាលំបាកបង្គួរខាងវិស័យអភិវឌ្ឍសេដ្ឋកិច្ចសង្គមនិងធានាជីវភាពរស់នៅរបស់ប្រជាជន ។ ក្រសួងស្ថាប័នពាក់ព័ន្ធត្រូវរួមសហការជាមួយខេត្តហ៊ូប៉ី ដើម្បីអនុវត្តយ៉ាងផ្ចិតផ្ចង់នូវគោលនយោបាយពាក់ព័ន្ធឱ្យបានឆាប់រហ័ស។
កិច្ចប្រជុំលើកនេះបានគូសបញ្ជាក់ទៀតថា ក្រោមលក្ខខណ្ឌបង្ការនិងគ្រប់គ្រងជំងឺឆ្លងជាប្រក្រតី ខេត្តហ៊ូប៉ីត្រូវពន្លឿនការស្តាររបៀបរៀបរយខាងផលិតកម្មនិងជីវភាពរស់នៅឡើងវិញ ជួយដោះស្រាយបញ្ហាប្រឈមរបស់សហគ្រាស ជាពិសេសគឺសហគ្រាសធុនតូចនិងមធ្យម។ ត្រូវចាប់ដំណើរការគម្រោងសំខាន់ៗមួយចំនួន ពន្លឿនកិច្ចកសាងហេដ្ឋារចនាសម្ព័ន្ធប្រពៃណីនិងហេដ្ឋារចនាសម្ព័ន្ធបែបថ្មី ដូចជាប្រព័ន្ធ៥Gនិងភាពឆ្លាតវៃសិប្បនិមិត្តជាដើម៕