ថ្ងៃទី ២៨ ខែមេសា ពេលផ្តល់បទសម្ភាសន៍តាមទូរទស្សន៍ជាមួយក្រុមហ៊ុនវិទ្យុទូទាំងសហរដ្ឋអាមេរិក(ហៅកាត់ថាNBC) លោកLe Yucheng អនុរដ្ឋមន្រ្តីក្រសួងការបរទេសចិនបានលើកឡើងថា ក្នុងកាលៈទេសៈជាគន្លឹះនៃការប្រយុទ្ធប្រឆាំងនឹងជំងឺឆ្លងនាពេលបច្ចុប្បន្ន ប្រទេសចិននិងអាមេរិកគួរតែច្រានចោលនូវជម្លោះនិងការខ្វែងគំនិតគ្នា ដើម្បីប្រកៀកស្មាគ្នាទប់ទល់នឹងជំងឺCOVID-19 ដែលជាសត្រូវរួម ។
លោកYue Yucheng បានថ្លែងទៀតថា តែជាការអកុសល បច្ចុប្បន្ន មានអ្នកនយោបាយមួយចំនួនបានបង្វែរជំងឺCOVID-19ទៅជាបញ្ហានយោបាយ វាជារឿងដែលយើងមិនចង់មើលឃើញនោះឡើយ ។ ឆ្លងតាមរយៈជំងឺឆ្លងលើកនេះ ជនជាតិអាមេរិកគួរតែបានមើលឃើញថា អ្វីដែលបាននិងកំពុងគំរាមកំហែងដល់សុវត្ថិភាពអាយុជីវិតរបស់ប្រជាជនអាមេរិក គឺវីរុស មិនមែនជាប្រទេសចិនទេ ។ ប្រទេសចិនជាយុទ្ធមិត្តនិងដៃគូសហការរបស់អាមេរិកក្នុងការប្រយុទ្ធប្រឆាំងនឹងជំងឺឆ្លង ។ អាមេរិកមិនត្រូវចាត់ទុកយុទ្ធមិត្តជាគូប្រកួតនោះទេ ។ ក្រោមស្ថានការណ៍បច្ចុប្បន្ន ប្រទេសចិននិងអាមេរិកត្រូវសាមគ្គីគ្នាជាធ្លុងមួយ ដើម្បីរួមគ្នាប្រយុទ្ធប្រឆាំងនឹងជំងឺឆ្លង និងពុះពារឧបសគ្គ មិនត្រូវចោទគ្នាទៅវិញទៅមក និងលេងល្បែងនយោបាយនោះទេ ។ មានតែសាមគ្គីគ្នានិងសហការគ្នា ទើបយើងអាចទទួលបានភាពឈ្នះ-ឈ្នះ ទើបអាចកែប្រែពិភពលោកបានដែរ ៕
