យោងតាមដំណឹងដែលកាសែត Los Angeles Timesបានចុះផ្សាយឱ្យដឹងថា របាយការណ៍ធ្វើកោសល្យវិច័យសាកសពដែលស្រុក Santa Claraរដ្ឋCaliforniaសហរដ្ឋអាមេរិកបានប្រកាសនាពេលថ្មីៗកន្លងទៅនេះបង្ហាញឱ្យឃើញថា ករណីស្លាប់ដោយសារជំងឺកូវីដ១៩មុនគេបង្អស់នៅអាមេរិក គឺនៅថ្ងៃទី ៦ខែកុម្ភៈ ។ ពេលវេលានេះគឺកើតមុនជាងពេលវេលាកើតមានករណីស្លាប់មុនគេបង្អស់ដែលមជ្ឈមណ្ឌលគ្រប់គ្រងជំងឺរបស់អាមេរិកបានប្រកាសនៅកាលពីមុនរហូតដល់ទៅ៣សបា្តហ៍ ។ បច្ចុប្បន្ន ករណីស្លាប់ដំបូងបង្អស់ដោយសារជំងឺកូវីដ១៩នៅអាមេរិក គឺគ្មានប្រវតិ្តធ្វើទេសចរណ៍ទេ ដូច្នេះត្រូវបញ្ជាក់ថា បានឆ្លងជំងឺនេះពីក្នុងសហគមន៍ ។
ភស្តុតាងកាន់តែច្រើនឡើងៗបានលាតត្រដាងថា ក្នុងដំណើរទប់ទល់នឹងជំងឺឆ្លង រដ្ឋាភិបាលអាមេរិកមានបញ្ហាជាច្រើនដែលត្រូវចោទជាមន្ទិលសង្ស័យ ។
ភស្តុងតាងបានបង្ហាញឱ្យដឹងថា រដ្ឋាភិបាលអាមេរិកមានចេតនាបិទបាំងនូវការព្រមានពីជំងឺឆ្លងនៅខណៈពេលដំបូង ។ កាសែត New York Timesបានចុះផ្សាយដំណឹងឱ្យដឹងថា កាលពីខែមករាឆ្នាំនេះ លោកស្រីវេជ្ជបណ្ឌិតអាមេរិកមួយរូបធ្លាប់លើកឡើងពីការព្រមានអំពីករណីជំងឺឆ្លងនៅអាមេរិក ព្រមទាំងបានប្រគល់របាយការណ៍ធ្វើតេស្តជូនស្ថាប័នត្រួតពិនិត្យអាមេរិកផងដែរ ។ ប៉ុន្តែលោកស្រីត្រូវគេបញ្ជាឱ្យបិទមាត់ ។
ក្រៅពីនេះ អាមេរិកដែលតែងតែឃោសនាថាខ្លួនមានតម្លាភាពផ្នែកព័តមាន បែរជាធ្វើរឿងផ្ទុយគ្នាទៅវិញ ពោលគឺចាប់ពីដើមខែមីនាមក មជ្ឈមណ្ឌលគ្រប់គ្រងជំងឺអាមេរិកបានបញ្ឈប់ការប្រកាសទិន្នន័យពាក់ព័ន្ធនឹងករណីធ្វើតេស្តនិងករណីស្លាប់ អ្នកប្រើអ៊ីនធឺណែតរបស់អាមេរិកជាច្រើនបានរិះគន់ថា បានបិទបាំងករណីជំងឺឆ្លង ។
ការទម្លាក់កំហុសឱ្យគេមិនអាចបំពេញបន្ថែមចន្លោះខ្វះខាតរបស់ខ្លួនទេ ហើយកាន់តែមិនអាចជួយស្រោចស្រង់ពេលវេលានិងអាយុជីវិតមនុស្សដែលបានបាត់បង់ទៅហើយ ។ ហេតុនេះ ដាស់តឿនអ្នកនយោបាយអាមេរិក ត្រូវតម្កល់សុវត្ថិភាពអាយុជីវិតមនុស្សលើកលល្បិចនយោបាយ ៕