ក្នុងសនិ្នសីទសារព័ត៌មានជាប្រចាំដែលបើកធ្វើនៅថ្ងៃទី២៩ខែមេសានៅក្រុងប៉េកាំង លោក Geng Shuang អ្នកនាំពាក្យក្រសួងការបរទេសចិនបានថ្លែងថា ប្រទេស BRICS បានប្រារព្ធធ្វើកិច្ចប្រជុំវិសាមញ្ញថ្នាក់រដ្ឋមន្ត្រីការបរទេសដោយជោគជ័យ គឺជាការបញ្ចេញសញ្ញាវិជ្ជមានស្តីពីការបង្កើនសាមគ្គីភាពនិងកិច្ចសហប្រតិបតិ្តការនៃប្រទេសទាំង៥ ដោយរួមសហការគ្នាដើម្បីប្រយុទ្ធប្រឆាំងនឹងជំងឺឆ្លង ដូច្នេះមានសារៈសំខាន់យ៉ាងពិសេស ។
លោក Geng Shuang បានថ្លែងទៀតថា ក្នុងកិច្ចប្រជុំលើកនេះ លោក វ៉ាង យី សមាជិកប្រឹក្សាកិច្ចការរដ្ឋនិងជារដ្ឋមន្ត្រីការបរទសចិនបានឧទេ្ទសនាមពីវិធានការមួយចំនួនរបស់ប្រទេសចិនដើម្បីទប់ទល់នឹងជំងឺឆ្លង ក្រោមការណែនាំនិងចាត់ចែងរៀបចំដោយផ្ទាល់របស់លោក ស៊ី ជីនភីងប្រធានរដ្ឋចិន ក្រៅពីនេះ លោក វ៉ាង យី ក៏បានអធិប្បាយពីគំនិតផ្តួចផ្តើមសំខាន់ៗ៤ចំណុចរបស់ប្រទេសចិនដើម្បីជំរុញកិច្ចសហប្រតិបតិ្តការអន្តរជាតិទប់ទល់នឹងជំងឺឆ្លង ។ ក្នុងកិច្ចប្រជុំ ប្រទេស BRICS បានធ្វើការផ្លាស់ប្តូរមតិយោបល់យ៉ាងស៊ីជម្រៅអំពីបញ្ហាធំនិងសំខាន់ ដូចជាការប្រកាន់ខ្ជាប់ពហុភាគីនិយម ការចាប់ដៃគ្នាប្រយុទ្ធប្រឆាំងនឹងជំងឺឆ្លង និងការជំរុញឱ្យកិច្ចសហប្រតិបតិ្តការរវាងប្រទេស BRICS ឱ្យមានភាពកាន់តែស៊ីជម្រៅជាដើម ព្រមទាំងបានឈានដល់គំនិតឯកភាពគ្នាអំពីបញ្ហាមួយចំនួនផងដែរ ។
លោក Geng Shuang បានគូសបញ្ជាក់ថា ប្រទេសចិនរីករាយបន្តជំរុញឱ្យប្រទេសទាំង៥រួមសហការធ្វើការងារការពារយ៉ាងម៉ឺងម៉ាត់និងរួមគ្នាប្រយុទ្ធប្រឆាំងនឹងជំងឺឆ្លងក្នុងស្មារតីប្រទេស BRICS ក្នុងន័យត្រួសត្រាយអនាគតដ៏ល្អប្រសើរនៃកិច្ចសហប្រតិបតិ្តការនិងឈ្នះ-ឈ្នះ ដើម្បីជំរុញការបង្កើតសហគមន៍រួមវាសនាតែមួយរបស់មនុស្សជាតិ ៕