ថ្ងៃទី ២៩ ខែមេសា លោកស្រីChen Bei លេខាធិការរងនៃរដ្ឋបាលក្រុងប៉េកាំងបានប្រកាសថា ចាប់ពីម៉ោងសូន្យថ្ងៃទី ៣០ ខែមេសាតទៅ ទីក្រុងប៉េកាំងបញ្ចុះកម្រិតប្រតិកម្មបន្ទាន់ចំពោះហេតុការណ៍សុខាភិបាលសាធារណៈដែលកើតឡើងជាបន្ទាន់ពីថ្នាក់ទីមួយមកនៅថ្នាក់ទីពីរ ។ រីឯគោលនយោបាយបង្ការនិងគ្រប់គ្រងជំងឺឆ្លងដូចជាការចេញចូលក្រុង ការចេញចូលសហគមន៍ស្នាក់នៅ និងគមនាគមន៍ជាដើម ក៏ត្រូវសម្រួលនៅត្រឹមកម្រិតសមស្របផងដែរ ។
លោកស្រីChen Bei បានថ្លែងថា អ្នកមកបំពេញបេសកកម្មនៅក្រុងប៉េកាំងនិងអ្នកធ្វើដំណើរវិលត្រឡប់មកក្រុងប៉េកាំងវិញពីតំបន់មានហានិភ័យទាបក្នុងប្រទេសចិន នឹងមិនតម្រូវឱ្យស្នាក់នៅផ្ទះរយៈពេល ១៤ ថ្ងៃទៀតទេ រីឯអ្នកដែលបាននិងកំពុងស្នាក់នៅផ្ទះនៅដាច់ដោយឡែកពីគ្នាក៏អាចលុបចោលការសង្កេតមើលរោគសញ្ញាក្នុងផ្ទះដែរ ។ តែក្នុងនោះមិនបូករួមអ្នកដែលមកពីក្រៅដែន ព្រមនិងតំបន់ហ៊ូប៉ី និងវូហាន ក៏ដូចជាមកពីបណ្តាខេត្ត-ទីក្រុងណាដែលមានកម្រិតហានិភ័យខ្ពស់និងមធ្យមនោះទេ ។
លោកស្រីChen Bei បានគូសបញ្ជាក់ថា ការកែសម្រួលកម្រិតប្រតិកម្មបន្ទាន់ពុំមានន័យថាបានបន្ធូរបន្ថយស្តង់ដារនិងកម្លាំងនៃការងារបង្ការនិងគ្រប់គ្រងជំងឺឆ្លងនោះទេ តែជាការលើកឡើងនូវសំណូមការកាន់តែថ្មីនិងកាន់តែខ្ពស់ទៅលើការងារបង្ការនិងគ្រប់គ្រងជំងឺឆ្លង៕
