ថ្ងៃទី២៩ខែមេសាតាមម៉ោងក្នុងតំបន់ អង្គការពលកម្មអន្តរជាតិដែលមានទីស្នាក់ការទូទៅនៅក្រុងហ្សឺណែវបានប្រកាសរបាយការណ៍ថ្មីបំផុតវាយតម្លៃថា ដោយសាររងផលប៉ះពាល់ពីជំងឺកូវីដ១៩ ពេលវេលាធ្វើការនៅទូទាំងពិភពលោកបានកាត់បន្ថយយ៉ាងគំហុក ដែលបណ្តាលឱ្យពលករជិតពាក់កណ្តាលនៅទូទាំងពិភពលោកកំពុងប្រឈមនឹងការគំរាមខាងការរស់នៅយ៉ាងធំសម្បើម។
របាយការណ៍នេះបានឱ្យដឹងថា ពលករចំនួន១៦០០លាននាក់នៅលើពិភពលោកដែលកំពុងធ្វើការងារមិនផ្លូវការបានរងផលប៉ះពាល់ពីករណីជំងឺឆ្លងខ្លាំងបំផុត គួកគេជាក្រុមមនុស្សទន់ខ្សោយបំផុតក្នុងចំណោមពលករចំនួន៣៣០០លាននាក់នៅទូទាំងពិភពលោក។
របាយការណ៍ឱ្យដឹងទៀតថា ក្នុងអំឡុងពេលពីរសប្តាហ៍កន្លងទៅនេះ សមាមាត្រពលករដែលរងផលប៉ះពាល់ពីការបិទកន្លែងការងារបានធ្លាក់ចុះពី៨១%មកនៅត្រឹម៦៨% ការធ្លាក់នៃផលប៉ះពាល់នេះសំខាន់គឺដោយសារការស្តារផលិតកម្មឡើងវិញរបស់ប្រទេសចិន។ បច្ចុប្បន្ននេះ មានសហគ្រាសលើសពី៤៣៦លានសហគ្រាសនៅទូទាំងពិភពលោកកំពុងប្រឈមនឹងហានិភ័យខាងផលិតកម្មនិងអាជីវកម្ម៕