លោក ឡឺ យ៉ីឆឹង អនុរដ្ឋមន្រ្តីក្រសួងការបរទេសចិនបានផ្តល់បទសម្ភាសន៍ពិសេសតាមទូរទស្សន៍ជាមួយក្រុមហ៊ុនវិទ្យុទូទាំងសហរដ្ឋអាមេរិក NBCនៅថ្ងៃទី២៨ខែមេសា ។ ទាក់ទិននឹងការលើកឡើងថា ការដែលសហរដ្ឋអាមេរិកប្រកាសផ្អាកការផ្តល់ថវិកាចំពោះអង្គការសុខភាពពិភពលោក គឺដោយសារអង្គការសុខភាពពិភពលោកស្និទ្ធជមួយប្រទេសចិនពេក លោក ឡឺ យ៉ីឆឹង បានថ្លែងថា អង្គការសុខភាពពិភពលោកបានអនុវត្តយ៉ាងល្អនូវកាតព្វកិច្ចរបស់ខ្លួន ដោយបង្ហាញពីជំនាញឯកទេស អនុវត្តជាក់ស្តែងនិងប្រសិទ្ធភាពខ្ពស់ផងដែរ។ អង្គការសុខភាពពិភពលោកមិនបានចាត់ទុកប្រទេសណាមួយជាប្រទេសសំខាន់ជាងគេនោះទេ គឺចាត់ទុកសុខភាពនិងអាយុជីវិតរបស់មនុស្សជាតិជាភារកិច្ចចម្បង បានទទួលការវាយតម្លៃវិជ្ជមាននិងការកោតសរសើរពីសហគមន៍អន្តរជាតិ ។ ការដែលសហរដ្ឋអាមេរិក ផ្អាកការផ្តល់ថវិកាចំពោះអង្គការសុខភាពពិភពលោកនោះគឺមិនបានគិតពិចារណាឱ្យបានគ្រប់ជ្រុងជ្រោយនោះទេ ។ ខណៈពេលដ៏សំខាន់នៃការប្រយុទ្ធប្រឆាំងនឹងជំងឺកូវីដ១៩ សហរដ្ឋអាមេរិកគួរប្រមូលផ្តុំកម្លាំងដើម្បីទប់ស្កាត់ជំងឺឆ្លង មិនមែនបែរចុងកាំភ្លើងទៅរកអង្គការសុខភាពពិភពលោកដែលជាអង្គការសម្របសម្រួលការប្រយុទ្ធប្រឆាំងនឹងជំងឺឆ្លងនោះឡើយ៕