នៅយប់ថ្ងៃទី ២៨ ខែមេសា លោកWangYi សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្រ្តីការបរទេសចិនបានអញ្ជើញចូលរួមកិច្ចប្រជុំវិសាមញ្ញថ្នាក់រដ្ឋមន្រ្តីការបរទេសនៃប្រទេសBRICSអំពីការទប់ទល់នឹងជំងឺCOVID-19 នៅក្រុងប៉េកាំង ។ លោកWang Yiបានលើកឡើងថា ជំងឺCOVID-19បាននាំមកនូវការគំរាមកំហែងដ៏ធំសម្បើមដល់សុវត្ថិភាពអាយុជីវិតនិងសុខភាពរបស់ប្រជាជននៃបណ្តាប្រទេស និងប៉ះពាល់យ៉ាងខ្លាំងចំពោះការប្រាស្រ័យទាក់ទងគ្នារវាងបុគ្គលនិងសេដ្ឋកិច្ចពិភពលោកផងដែរ ។ ក៏ប៉ុន្តែជំងឺឆ្លងមិនអាចកែប្រែប្រធានបទ”សន្តិភាពនិងការអភិវឌ្ឍន៍”ដែលជាប្រធានបទសំខាន់នៃយុគសម័យនោះឡើយ ហើយក៏មិនអាចកាត់ផ្តាច់ដំណើរវិវឌ្ឍនៃប្រវត្តិសាស្រ្តស្តីពីពហុប៉ូលភាវូបនីយកម្មនិងសកលភាវូបនីយកម្ម ជាងនេះទៅទៀតក៏មិនអាចរារាំងជំហានដ៏ម៉ឺងម៉ាត់របស់មនុស្សជាតិក្នុងដំណើរឆ្ពោះទៅរកអរិយធម៌និងការរីកចម្រើននោះដែរ ។ ប្រទេសBRICSគួរមានជម្រើសយ៉ាងត្រឹមត្រូវ និងចាត់វិធានការដែលប្រកបដោយប្រសិទ្ធភាព ។
សូមបញ្ជាក់ថា កិច្ចប្រជុំលើកនេះបានបើកធ្វើតាមប្រព័ន្ធវីដេអូ ក្រោមអធិបតីភាពរបស់លោកSergey Lavrov រដ្ឋមន្រ្តីការបរទេសរុស្ស៊ី ដែលជាប្រធានប្រទេសBRICSប្រចាំឆ្នាំ២០២០នេះ ក្រៅពីរដ្ឋមន្រ្តីការបរទេសចិនក៏មានការចូលរួមពីលោកErnesto Araújo រដ្ឋមន្រ្តីការបរទេសប្រេស៊ីល លោកS. JAISHANKAR រដ្ឋមន្រ្តីការបរទេសឥណ្ឌា និងលោកNaledi Pandor រដ្ឋមន្រ្តីការបរទេសអាហ្រ្វិកខាងត្បូង ៕